香港發展中心

香港發展中心係一個已經停止營運嘅香港親中派智庫，2019年5月建立，以分析香港政治形勢，幫助親中派參選區議會同立法會。

香港發展中心曾有7至8個職員，曾經由李浩然擔任董事，但之後改由梁愛詩同埋陸漢德擔任。

2020年，北京未經諮詢或香港人同意強行定立《港版國安法》，去到2021年又強行收緊香港選舉制度，大幅削減直選議席，民主派被北京排除喺選舉制度外。兩大政治陣營分庭抗禮嘅局面不再，親中派選戰危機大減，呢類型對親中派嘅智庫再無價值，香港發展中心亦告停運。