香港社區網絡
香港社區網絡係香港一個活躍於葵涌嘅非牟利慈善團體（91/10503），宗旨係為香港嘅少數族裔提供服務[1]。
背景
[編輯]香港社區網絡有限公司（CR no. = 1415610）前身係健英社有限公司。根據公司註冊處資料，健英社喺2010年1月26號喺公司註冊處成功註冊，2013年2月8號改名做香港社區網絡有限公司。2014年，民政事務總署決定，每年資助510萬元成立葵青區少數族裔支援中心，交畀香港社網絡去做[2]。
會長係梁祖彬教授，監事會主席係孫國林，執行委員會主席係劉迺強。2014年4月26號，勞工及福利局局長張建宗出席香港社區網絡新會址揭幕禮，同場出席嘉賓重有工聯會嘅陳婉嫻同埋新界社團聯會理事長陳勇[3]。
人馬
[編輯]香港社區網絡主要人馬包括[4]：
- 贊助人：李家傑（全國政協常委）
- 會長：梁祖彬教授（香港大學社工及社會行政學系教授）
- 副會長：林玉茵（寶時年集團董事、香港菁英會副秘書長）
- 監事會主席：孫國林（恒基兆業地產有限公司執行董事）
- 顧問委員會主席：梁寶珠（寶時年集團主席）
- 顧問委員會委員：龔因心（華懋集團執行董事）
香港社區網絡服務總監係范國輝。范國輝曾經代表民建聯同工聯會多次出選深水埗麗閣選區（分別喺2003年區議會補選、2003年區議會選舉、2007年區議會選舉同埋2011年區議會選舉）[5]。
活動
[編輯]香港社區網絡曾經舉辦多個活動，包括：全港少數族裔廣東話挑戰賽[6]、《五個小孩的校長》電影觀賞、4・25尼泊爾地震服務分享會、社區網絡之友－家好月圓迎中秋聯歡會、社區網絡之友－婦女健康檢查及申請公屋資訊講座、免費長者飯堂、多元文化嘉年華、城市定向挑戰賽、「綠色融和樂安蔭」嘉年華⋯⋯等等[7]。
爭議
[編輯]2016年立法會選舉投票日前，《成報》登咗評論員「漢江泄」嘅文章，話本土派政黨青年新政同香港社區網絡同劉迺強有關連，但係佢哋強烈否認[8]。
睇埋
[編輯]參考
[編輯]- ↑ 〈HKCN － 會長的話〉。原著喺2016-03-04歸檔。喺2016-01-02搵到。
- ↑ 〈民政署射住葵青民記 [[蘋果日報 (香港)|蘋果日報]]，2014年9月13號〉。原著喺2016年3月5號歸檔。喺2016年1月2號搵到。
- ↑ 勞工及福利局局長出席香港社區網絡新會址揭幕禮暨少數族裔人士社會福利交流會致辭（只有中文）
- ↑ 〈HKCN － 協會結構〉。原著喺2016-03-04歸檔。喺2016-01-02搵到。
- ↑ 服務麗閣范國輝不因選舉改常態 文匯報，2011年9月23號
- ↑ 〈400人參加廣東話挑戰賽 少數族裔生 開口融入社會 [[蘋果日報]] ，2015年12月20號〉。原著喺2015年12月23號歸檔。喺2016年1月2號搵到。
- ↑ 香港社區網絡臉書專頁
- ↑ 《成報》評青政後滋擾增 員工憂惡勢力至 成報，2016年9月4號