香港網絡新聞工作者聯盟
香港網絡新聞工作者聯盟係香港一個由超過六十個網媒組成嘅聯盟[1]，現時發言人係《啤梨晚報》林匡正。
部分成員名單
[編輯]關注議題同埋事件
[編輯]聯盟不時關注，唔同嘅網媒喺採訪嘅時候嘅權益。例如，佢哋曾經譴責，有網媒記者採訪嘅時候，被警察不禮貌甚至係暴力嘅對待同拘捕[3]。對於主流傳媒嘅新聞工作者面對嘅問題，佢哋亦有關注。例如港台電視部編導蔡玉玲被警察拘捕，佢哋亦又批評警察明顯濫控、打壓新聞自由、漠視公眾知情權[4]。
關注警察單方面限制網媒採訪權限
[編輯]喺2020年9月，香港警察修訂《警察通例》下「傳媒代表」嘅定義，唔承認記協同攝記協發出嘅證件，又只限政府新聞處新聞發布系統（GNMIS）嘅已登記機構，或警察單方面認為「國際認可及知名」嘅非本地機構去採訪。
香港網絡新聞工作者聯盟批評，警察單方面嘅修訂限制封鎖線內媒體嘅數量，變相將媒體分成唔同階級，小型媒體、網媒、獨立記者、學生記者畀警察排除咗，令採訪權變得唔平等，強調政府新聞處發布系統只係消息渠道，唔係用來衡量何謂媒體。佢哋又質疑，喺好多社會運動入面，網媒拍攝唔少重要新聞片段，《米報》拍下8.31太子站事件、《丘品新聞》直擊西灣河警員開槍事件、《啤梨晚報》拍到印尼女記者被警察射眼、《拾玖傳媒》影到孕婦喺旺角被警員推跌等，警察咁做係要打擊公眾知情權[1][2]。
聯盟代表之一、網台《啤梨頻道》主持林匡正就批評，警察係被傳媒監督嘅對象，無資格篩選邊個有權或無權採訪[5]。協助佢哋嘅立法會議員毛孟靜亦批評警方製造不公平競爭，認為中共希望藉此控製香港嘅意識形態[6]。
參考
[編輯]- ↑ 1.0 1.1 〈網絡新聞工作者聯盟促政府和警方與業界溝通〉。《Now 新聞》 (香港中文)。喺2021-03-01搵到。
- ↑ 2.0 2.1 2.2 孔繁栩 (2020-09-27)。〈警改傳媒代表定義 網媒聯盟斥變相篩選 形同為媒體分階級〉。《香港01》 (香港中文)。喺2021-03-01搵到。
- ↑ 〈稱旺角女廁採訪被捕 網媒《娛賓》女記者遭控拒捕 案件押後准保釋候再訊 | 立場報道 | 立場新聞〉。《立場新聞 Stand News》 (英文)。原著喺2021-02-04歸檔。喺2021-03-01搵到。
- ↑ 門徒媒體 (2020-11-06)。〈網媒工會聲明：譴責無理拘捕蔡玉玲 文明社會不容政治打壓 | 門徒媒體〉 (臺灣中文)。原著喺2020-11-25歸檔。喺2021-03-01搵到。
- ↑ 〈網媒聯盟反修改傳媒代表定義〉。《大紀元時報 香港｜獨立敢言的良心媒體》 (香港中文)。喺2021-03-01搵到。
- ↑ 〈网媒反对港府筛选媒体 将寻求司法复核〉。《RFI - 法国国际广播电台》 (簡體中文)。2020-09-28。喺2021-03-01搵到。