香港賽馬會慈善信託基金

馬會早於1915年或以前，已開始捐助社會公益。至五十年代，香港面對戰後重建、大量移民湧入等棘手問題，促使馬會將慈善業務納入業務範圍。1955年，馬會正式決定將每年盈餘撥捐慈善及公益項目。1959年，馬會設立另一家公司，口女香港賽馬會（慈善）有限公司，專責管理捐款事務。後期，香港賽馬會喺1993年成立香港賽馬會慈善信託基金，處理香港賽馬會嘅捐款事宜，捐款來源主要係馬會嘅每年盈餘^[1]。

根據香港賽馬會官方網頁，香港賽馬會慈善信託基金係全球十大慈善捐助機構之一。

佢哋涵蓋五大策略範疇，包括：豐盛耆年及長者服務、青年發展及扶貧、健康社區、人才及業界發展，以及體育及文化。而家，有唔少得到馬會慈善信託基金支持嘅非政府組織，都有以香港賽馬會或慈善信託基金嘅名義冠名。