香港賽馬會慈善信託基金

香港賽馬會慈善信託基金係香港賽馬會喺1993年成立，處理香港賽馬會捐款事宜嘅公司，前身係為香港賽馬會（慈善）有限公司，捐款來源主要係馬會嘅每年盈餘^[1]。

根據香港賽馬會官方網頁，香港賽馬會慈善信託基金係全球十大慈善捐助機構之一。

佢哋涵蓋嘅範疇包括體育康樂文化、教育培訓、社會服務同埋醫藥衛生。而家，有唔少得到馬會慈善信託基金支持嘅非政府組織，都有以香港賽馬會或慈善信託基金嘅名義冠名。