香港雞隻中央屠宰係由香港特別行政區政府近年提議推行嘅公共政策，務求做到人雞分隔，集中管理，提升鮮雞肉嘅衛生水平，同埋安置喺本地從事雞隻養殖同售賣嘅業界，改善佢哋職業出路，同埋減低因為售賣新鮮雞隻而導致嘅傳染病（主要係禽流感）傳染同社區爆發嘅可能性。
自從2000年代開始，香港政府已經開始研究呢項政策，但因為市民食多咗冰鮮雞，每日食唔夠兩萬隻活雞，擔心可持續性唔夠，所以一路都未落實。
