香港電視出版

出自維基百科,自由嘅百科全書
跳去導覽 跳去搵嘢

香港電視出版香港一間執咗笠嘅公司,原隸屬電視廣播企業國際(TVEI)。佢係無綫電視(TVB)官方刊物《香港電視》嘅出版社,亦有出版《奪標》、《車主》等第啲雜誌,同埋做博益出版社嘅發行商。

1990年代,香港政府限制企業經營跨媒體業務。1997年5月中旬,無綫電視將香港電視出版賣畀南華早報集團,無綫電視自己出版《TVB週刊》取代《香港電視》;《香港電視》銷量跌好多,無幾耐停刊;而香港電視出版無幾耐執埋笠。