馬伕

  想搵從事性工作嘅「馬伕」嘅話，請睇扯皮條。

  提示：呢篇文講嘅唔係馬車夫。

馬場上嘅人，包括馬伕

馬伕（groom），又叫馬童（stable boy、stable hand、stable lad），係喺馬房度負責照顧馬嘅職業，主要負責湊住啲馬嘅人。

喺歐美地區，如果馬主擁有馬嘅數量唔多，好多時馬主會自己負責馬伕嘅職責。

除咗照顧馬，馬伕可能同時負責打理馬房；喺《儒林外史·第五二回》嗰度提到：「『秦二哥，我前日新買了一匹馬，身材倒也還好，你估一估，值個甚麼價。』隨叫馬伕將那棗騮馬牽過來。」

而馬童喺戲曲嗰度，係扮演專門幫主人拉馬嘅「武生」，一般都係由功底深厚、彈跳能力強嘅「武生」嚟做，喺粵劇，羅家英（家英哥）飾演關雲長馴馬嘅時候，同台演出嘅馬童（蔡之崴飾演）同埋《周瑜血戰蘆花蕩》，李秋元飾演周瑜俾黃忠、魏延追殺嘅時候，周瑜同馬童（演藝學院學生詹錦榮飾演）都表現出馬童嘅「武功」。

喺歐洲同埋香港，馬伕亦可能係指賣淫集團管理嘅「雞竇」嘅男性「負責人」，佢哋嘅主要工作係「扯皮條」，有啲仲自己落埋場接客。