馬伕

出自維基百科,自由嘅百科全書
(由馬夫跳轉過嚟)
  想搵從事性工作嘅「馬伕」嘅話,請睇扯皮條
  呢篇文講嘅唔係馬車夫
馬場上嘅人,包括馬伕

馬伕(groom)又叫馬童(stable boy、stable hand、stable lad)係喺馬房度負責照顧馬嘅職業,主要負責湊住啲馬嘅人。喺西方,如果馬主擁有馬嘅數量唔多,好多時馬主會自己負責馬伕嘅職責。

除咗照顧馬,馬伕可能同時負責打理馬房[1];喺《儒林外史·第五二回》嗰度提到:「『秦二哥,我前日新買了一匹馬,身材倒也還好,你估一估,值個甚麼價。』隨叫馬伕將那棗騮馬牽過來。」

馬童喺戲曲嗰度係扮演專門幫主人拉馬嘅「武生」,一般都係由功底深厚、彈跳能力強嘅「武生」嚟做,喺粵劇,羅家英飾演關羽馴馬嘅時候,同台演出嘅馬童(蔡之崴飾演)同埋《周瑜血戰蘆花蕩》,李秋元飾演周瑜俾黃忠、魏延追殺嘅時候,周瑜同馬童(演藝學院學生詹錦榮飾演)都表現出馬童嘅「武功」[2]

喺歐洲同埋香港,馬伕亦可能係指賣淫集團管理嘅「雞竇」嘅男性「負責人」,佢哋嘅主要工作係「扯皮條」,有啲仲自己落埋場接客。

  1. 馬發展培訓 - 賽馬人才培訓中心 - 香港賽馬會. campaign.hkjc.com (查莫洛文). 喺2024-03-16搵到.
  2. 日信報 - 副刊文化 - 周瑜有個好馬童 - 張敏慧 - 一台風景. 報網站 hkej.com (香港中文). 喺2024-03-16搵到.