馬拉話歸融話

馬拉話歸融話係以馬拉話為基礎嘅歸融話，數目都唔少。

馬來西亞

• 吉打話：響吉打、檳城、霹靂州同玻璃市講；泰國南部嘅沙敦府都有人講。
• 峇峇話：響馬來西亞、星加坡、印尼嘅娘惹人講，溝咗尐爪哇話、閩南話，如今差唔多失傳。

印尼

• Betawi話：響耶加達講（耶加達以前叫Betawi），溝咗爪哇話、巽他話、漢話、葡萄牙話、荷蘭話、巴厘話，有270萬人講（1993年計）。
• 萬鴉老話：響萬鴉老講，受到德那第話、荷蘭話、Minahasa話影響，加埋些少西班牙話、葡萄牙話。
• 德那第話：響德那第島、Tidore島、哈馬黑拉島、北馬魯古省、蘇拉群島講。
• Becan話：響摩鹿加群島中嘅Becan島講，有別於安汶話同德那第話。
• Larantuka話：響Larantuka區講，受葡萄牙話影響。
• 古邦話：響古邦市講，溝咗荷蘭話、葡萄牙話同一尐本土話。
• 安汶話：響安汶島講，溝咗荷蘭話、葡萄牙話同一尐本土話。
• 班達話：響班達群島講，有別於安汶話。

斯里蘭卡

• 斯里蘭卡馬拉話：溝咗僧伽羅話、泰米爾文。