馬文輝

馬文輝（英文：Ma Man Fai，1905年—1994年）係香港嘅企業家同社運人士，係先施百貨嘅太子爺。佢喺戰後開始喺政壇活躍，提倡政治改革，又參與組織香港革新會、華革會、聯合國香港協會、香港民主自治黨等多個政治組織，但當年佢提出嘅政見唔太得到迴響。

一直2010年代香港本土派浪潮興起，新一代開始重新研究佢嘅政治理念，令佢嘅思想重新喺大眾出現，更加畀人稱為「香港本土派始祖」、真正「港獨之父」等。

家族

馬文輝係先施嘅創辦人之一馬應彪嘅四仔，而阿媽霍慶棠係香港第一個女售貨員，佢亦係當時香港以至中國爭取婦權嘅推手之一，係香港基督教女青年會第一任會長。

瑣碎事

• 馬文輝喺多年嚟都係著住長衫同留長鬚示人，呢個造型成為咗佢嘅標誌。佢曾經接受採訪嗰陣解釋話著長衫方便，而且鬆身，對衛生有益。