馮貝林

出自維基百科,自由嘅百科全書
馮貝林

埃米爾 阿道夫 馮 貝林(Emil Adolf von Behring,1854年3月15號1917年3月31號)係德國醫學家、細菌學家、血清學家。佢因為研究白喉血清療法喺1901年得到諾貝爾生理學或醫學獎

貝林喺普魯士王國西普魯士羅森堡縣漢斯朵夫村(今屬波蘭)出世,喺屋企個十二兄弟姊妹中排行第五。阿爸係貧窮嘅鄉村教師。佢自細成績優秀,攞到唔同嘅獎學金而得以中學畢業。之後佢因為冇辦法繼續攞到獎學金去讀醫,決定從軍,一路做軍醫學生一路當兵,所以攞到錢。

1874年10月2號貝林入咗柏林威廉皇帝軍醫學院,1878年獲得博士學位,1889年俾羅拔科赫邀請入咗柏林傳染病研究所,1890年喺呢度奠定咗血清療法嘅基礎。佢同北里柴三郎合作發現咗破傷風抗毒素。佢由1891年開始喺保羅埃利赫嘅幫助下研究白喉嘅抗毒素。佢嘅成果最終征服咗呢種當時往往致命嘅疾病。

由1892年開始,普魯士文化部嘗試同貝林揾一個大學教授嘅位,咁令佢做嘢有更大嘅自由,可以同自己揾研究經費。1894年至95年嘅冬季學期,貝林獲邀擔任哈雷大學衛生特聘教授。

1895年貝林得到馬爾堡大學衛生研究所嘅教授埋同領導職務。1904年貝林工廠(今日德靈公司嘅前身之一)喺呢度建立。1917年佢喺馬爾堡死於肺炎