高湛

出自維基百科,自由嘅百科全書

北齊武成帝高湛538年569年)係北齊第四代皇帝。佢係東魏權臣高歡第九個仔,高演嘅細佬[1]。佢喺561年繼承北齊皇位,喺565年退位。

一生[編輯]

高湛牛高馬大,高歡對高湛有好感[2],所以喺高家都叫做有地位。響東魏元象年間,孝靜皇帝元善見封高湛做長廣郡公[3]

後來,高湛嘅親戚高澄廢黜東魏政權,之後建立新國家北齊取而代之,高家(包括高湛在內)因而做咗皇族。響元象年間,文宣皇帝高洋封高湛做長廣郡王,與此同時,高湛重兼任尚書令司徒太尉[4]。高洋死咗之後,佢個仔高殷繼承皇位。乾明年間,高湛撈到個大司馬幷州刺史來做[5]。響560年,高演聯同高湛發動政變,推翻高殷。高演繼位之後,高湛做咗右丞相[6]。高演後來駕崩,傳位畀高湛。

高湛昏庸無能,荒淫無度,搞到北齊國勢危如累卵。高湛繼位之後,逼前朝太后李祖娥同佢通姦,之後重生咗個女李祖娥個仔高紹德發現咗,重鬧咗李祖娥一獲。李祖娥無地自容,所以殺死個蘇蝦[7]高湛怒髮衝冠,所以殺死咗高紹德[8],重剝李祖娥光豬,之後毒打一輪,最後將佢拋落海。[9]

響569年,高湛過身,嗰陣時佢得三十二歲。佢嘅廟號係世祖,謚號係武成皇帝,葬喺永平陵。[10]

參攷[編輯]

  1. 北齊書》卷七 帝紀第七 武成帝本紀:「世祖武成皇帝,諱湛,神武皇帝第九子」
  2. 北齊書》卷七 帝紀第七 武成帝本紀:「儀錶瑰傑,神武尤所鍾愛」
  3. 北齊書》卷七 帝紀第七 武成帝本紀:「元象中,封長廣郡公」
  4. 北齊書》卷七 帝紀第七 武成帝本紀:「天保初,進爵為王,拜尚書令,尋兼司徒,遷太尉」
  5. 北齊書》卷七 帝紀第七 武成帝本紀:「乾明初,楊愔等密相疏忌,以帝為大司馬,領幷州刺史」
  6. 北齊書》卷七 帝紀第七 武成帝本紀:「皇建初,進位右丞相」
  7. 北齊書》卷九 列傳第一 後宮: 武成踐祚,逼后淫亂,云:「若不許,我當殺爾兒。」后懼,從之。後有娠,太原王紹德至閣,不得見,慍曰:「兒豈不知耶,姊姊腹大,故不見兒。」后聞之,大慚,由是生女不舉。
  8. 北齊書》卷七 帝紀第七 武成帝本紀:「是歲,殺太原王紹德」
  9. 北齊書》卷九 列傳第一 後宮: 帝橫刀詬曰:「爾殺我女,我何不殺爾兒!」對后前築殺紹德。后大哭,帝愈怒,裸后亂撾撻之,號天不已。盛以絹囊,流血淋漉,投諸渠水。
  10. 北齊書》卷七 帝紀第七 武成帝本紀:「天統四年十二月辛未,太上皇帝崩於鄴宮乾壽堂,時年三十二,諡曰武成皇帝,廟號世祖。五年二月甲申,葬於永平陵。」