麟峯文公祠
| ||||
|---|---|---|---|---|
 | ||||
| 國家 | 中華人民共和國  | |||
| 遺產名 | 香港法定古蹟一覽 | |||
麟峯文公祠嘅位置  | ||||
[改維基數據] | ||||
麟峯文公祠喺香港新界新田蕃田村，係蕃田村五間文氏公祠之一，係紀念新田文氏開山祖文世歌個仔第八世祖文佛保（名麟峯）而起，起祠嘅時間已無從考究，估計大概喺清朝嘉慶年間起，至今已有200幾年歷史。祠堂喺1983年被評為法定古蹟。
建築
[編輯]麟峯文公祠係傳統嘅三進兩院式青磚建築，入口嘅大廳叫「吐書堂」，前進中門「吐書堂」牌匾係嘉慶丙寅年（1806年）嘅古物，由當時有「嶺南第一才子」之稱嘅宋湘所寫，中廳供奉歷代文氏祖先嘅神位，而後廳就設有廂房，三個廳堂中間設有兩個庭園[1]。正門前面嘅台基同門框係用花崗石條砌成，屋脊呈船形，設有精緻嘅脊飾，斗拱上面有取材喺民間故事栩栩如生嘅精緻人物雕刻。
重修
[編輯]喺文佛常祖司理熱心支持下，1983年3月4號麟峯文公祠正式評為法定古蹟。首次修葺費用由香港賽馬會資助，工程喺1987年完成。其後喺1995年再次修葺，全部工程費用由香港政府撥款資助。
用途
[編輯]宗祠曾經用作更練嘅總部同教育村中弟子嘅地方。直至而家祭祖、節日慶典同父老聚會等嘅傳統用途仍然喺宗祠裏面舉行，延續新界固有嘅傳統。
參考
[編輯]- ↑ 〈香江史地：麟峰文公祠〉 (香港中文)。文匯報。2005-12-03。原著喺2009-03-29歸檔。喺2011-01-31搵到。