麥當勞茄汁密碼
怪冧巴
[編輯]呢個傳說喺1980年代尾90年代初流傳，由一班麥當勞員工散播，後來開始喺網上流傳。傳說大概係話，每一包麥當勞包裝茄汁下便都有A1至A12不等嘅怪冧巴，呢啲怪冧巴都係代表茄汁嘅甜酸度，A1最甜，A12最酸。麥當勞噉樣嚟方便各類型人客，等啲人可以揀甜或者酸嘅口味。
呢個傳說流傳到好大，甚至連麥當勞嘅一啲基層員工都噉樣嚟解釋包裝茄汁怪冧巴，加上麥當勞本身無主動解釋怪冧巴點嚟，搞到人人都信咗呢個講法。
真相
[編輯]後來麥當勞見到傳說越傳越廣，就向啲人解釋，其實包裝茄汁上便嘅怪冧巴，只係代表佢哋嘅生產編號，同茄汁嘅甜酸度完全唔啦更，所有茄汁嘅甜酸度都一樣。而其他牌子嘅包裝茄汁，上便都有印生產編號，不過大家比較注意麥當勞嘅包裝茄汁啫。