黃劍濤

黃劍濤（Duncan Wong），香港音樂人。

佢喺香港唱片行業工作咗接近30年，自80年代起，曾經喺華納唱片、正東唱片、百代唱片、Music Icon同埋環球唱片擔任重要職位，2007年起擔任香港環球唱片副總裁，去到2023年退休，職位做到環球唱片（大中華區）董事總經理。

佢不時會就旗下藝人動向同埋唱片行業發展，接受傳媒訪問。除咗香港業務之外，喺2022年佢亦曾經有份負責將環球唱片喺中國嘅業務大幅擴展，將Republic Records，EMI同埋寶麗金三個環球旗下嘅品牌帶到中國。

不過，喺佢喺2023年退休離開環球前幾年，佢因為處理藝人合約同對外關係嘅問題，受到網民一啲批評，指佢阻住一啲藝人有更好嘅發展。

家庭

黃劍濤已經結婚，佢太太係同樣喺娛樂圈工作嘅甘菁菁。