黃紹竑故居

黃紹竑故居係過世嘅新桂系三巨頭之一黃紹竑舊時住過嘅屋，位於廣西壯族自治區玉林市容縣黎村鎮珊萃村。

故居坐北向南，清代中葉由佢嘅阿爸黃玉梁所建，響清代鹹豐二年起。四座五開間，兩邊為兩重橫廊，平面呈"富"字形，左邊重廊前頭設有炮樓，右邊有一較高嘅建築物，作為瞭望臺。成幢建築布局嚴謹、整齊，頗具特色。

1999年，黃紹竑故居被公布為容縣文物保護單位；2005年，被公布為廣西區文物保護單位；2006年，被國務院公布為全國文物保護單位。故居掛有「全國重點文物保護單位嘅牌子」。2011年3月，國家重撥款80萬元對黃紹竑故居進行第一期維修，主要對門樓、墻體、東西橫屋前三間進行修繕。第二期維修從2012年12月開始，投資149萬元，主要修繕房屋嘅中座、後座、炮樓、屋面、墻體、地面同環境整治。呢個修繕工程預計2013年9月份搞掂。