黃綫 (道路標記)

黃綫

美國用中間分界

英國近住宅商業區。單黃綫限制泊車。

英國雙黃綫禁止泊車

德國用臨時來取代白綫

美國中間雙黃綫唔畀爬頭

黃綫，道路標記一種。喺深色路面上，白綫同黃綫喺天氣差之下，都容易睇到。一般指示交通用白綫，然而唔夠用就加黃綫做管理。有啲地方落雪多，會用黄綫分辨。

有實綫，亦有虛綫。虛綫亦有長亦有短。另外重有雙綫。意思各地有各地解。

英國代表限制路邊泊車，有啲英聯邦地方跟呢套，香港亦跟呢套。有啲就用來控制爬頭。有啲限制乜車可以行。有啲指示臨時改道行車綫。有啲用黃白來分辨左右路肩。

料

黃綫用乜料油有唔同要求，若果成日整路，就唔會用咁貴。好似高速公路唔會成日整，就會用耐用貴啲料。至理想，乾得快而耐用，唔會太阻交通。耐用唔變色，要唔怕日曬，尤其紫外光，唔怕好凍好熱，唔怕路脹縮，唔怕車行磨甩。

色料舊時用鉻酸鉛，亦叫鉻黃，之不過隻嘢有毒，會污染環境，危害細蚊仔，逐漸唔用。後尾各廠商出唔同有機化合物色料，做到同鉻黃效果。

現今除咗油漆，亦會用樹脂等化成塑膠，呢種會添微細玻璃粒，以使便散射反光，同防跣。