點指兵兵 (電影)
跳去導覽
跳去搵嘢
| 點指兵兵 | |
|---|---|
| 資料明細 | |
| 導演 | 章國明 |
| 監製 | 關維鵬 |
| 主演 | 王鍾，金興賢，張國強 |
| 製片商 | 珠城製片有限公司 |
| 產地 | .svg){kind=small} 英屬香港 |
| 上畫同發行 | |
| 上畫日期 | 1979年 |
| 發行商 | 藝高娛樂公司 |
《點指兵兵》係香港喺1979年新浪潮電影時期嘅一部電影，由章國明導演，陳欣健策劃，王鍾、金興賢、張國強同劉詩棣領銜主演[1]。當年上映時票房收入超過400萬港元。[2]
主題曲《點指兵兵》由泰迪羅賓唱。
故事簡介[編輯]
沙展陳立基（王鍾 飾）行事火爆，雖然屢破大案，但係得唔到上司周幫辦（金興賢 飾）嘅認同，不過無損兩個人嘅感情，周幫辦更同立基個仔牛仔（張家偉 飾）感情融洽。新人阿榮（張國強 飾）被編入同立基同隊，見到一班同僚相處愉快，辦事認真，決心努力學習。阿標因為視力問題考唔到警察，懷恨在心。轉為跟大哥康同阿倫聯手行劫，阿標因為怒氣將警察擊斃。立基同阿榮聯手調查，搵到線索，警方立即大舉進攻，雖然阿標走甩咗，但仍然能夠破案。周幫辦受到讚揚，但擔心阿標。牛仔俾阿標拐帶走。立基情急之下獨自到石灘救個仔，卻俾阿標槍殺。周幫辦、阿榮一班人神情憂傷，警方大為緊張。阿標跟蹤到周幫辦女友嘅商店，將周幫辦槍傷。阿榮想幫都唔到，反而俾阿標追殺。逃到大廈裏面，阿榮驚覺無路可逃，鼓起勇氣向阿標襲擊，幸運中用壘球棒將阿標擊殺。牛仔得到周幫辦照顧，阿榮本來對工作冇乜興趣，但俾周幫辦所勸繼續留任。
參考[編輯]
- ↑ 〈《點指兵兵》全版廣告〉 (繁體中文). 快報. 1979-11-13. p. 5.
- ↑ 〈《點指兵兵》夢幻組合 泰迪羅賓章國明夢想奧斯卡〉. Yahoo 新聞香港. 2013-10-28.