龜頭

出自維基百科,自由嘅百科全書
正常嘅龜頭
將包皮向後掹,露出龜頭嘅過程。

龜頭,又叫做陰莖頭,指陰莖前端嘅球狀物,由尿道海綿體前端膨大而成。前端盡頭有尿道口,係尿液精液嘅共同出口。

龜頭表面有豐富嘅神經,因此龜頭係成條陰莖最靈敏嘅地方之一,容易受到性刺激而達到雄性性高潮及射精

龜頭天生被陰莖包皮包住。包皮過長嘅男性,要將包皮向後掹,個龜頭先至突到出來。包皮無辦法向後掹到現出龜頭,爾種現象叫做「包莖」。

龜頭後端係冠狀溝痾完尿之後殘餘嘅尿液可能會積積埋埋喺龜頭同包皮之間,尿液裡面嘅物質可能沉澱成尿垢,引致細菌或真菌生長,導致發炎。因此包皮過長嘅男性需要經常清洗包皮內側同龜頭,保持生殖器清潔。包莖嘅男士如果清洗唔到包皮內側同龜頭,就可能需要進行包皮環切術或者包皮背切術。不過,包皮內側皮脂腺嘅分泌物裏面含有溶菌成分,能夠抵擋有害細菌,亦都有保護龜頭嘅功能,如果清洗頻繁過龍,也會可能會感染外來細菌,導致發炎。