盧比零蚊紙係印度非政府組織「第五支柱」發行嘅鈔票仿製品，設計參考舊嘅盧比五十蚊紙，目的係打擊印度系統性嘅政治腐敗。當政府官員要求賄賂嚟換取本來應該免費嘅政府服務，民眾就會畀爾張零蚊紙作為「賄款」，以示抗議。爾個組織自2007年成立以來，截至2014年8月為止已經發行咗超過250萬張零蚊紙，而且每個月都會分發多幾千張。
盧比零蚊紙嘅背面，以英文同印地文寫成。
