十進制係用10嚟造基準嘅記數系統，有時亦指嗰啲基於10嘅次方、但唔係用位值嚟表達嘅系統。中文數字係十進制嘅，10個「十」係百、10個「百」係千、10個「千」係萬、1萬個「萬」係億。
用逢10進1嘅方式嚟表達數字嘅系統叫「十進位制」，呢個系統用唔多過10個號碼，就可以代表一切數值，進一位表示10倍，進兩位代表100倍，如此類推。（印度）阿拉伯數字同中國籌算都係十進位制嘅。
