2005年安曼炸彈襲擊

出自維基百科,自由嘅百科全書
約旦首都安曼

2005安曼炸彈襲擊約旦首都安曼一連串有預謀嘅自殺式炸彈襲擊。呢次襲擊發生響2005年11月9號,總共有三間酒店俾人炸,分別係凱悅酒店、拉迪臣酒店同埋地時酒店。呢單嘢有56人死咗(包括3名中國人),250人受傷。

當時響拉迪臣酒店裏面,費城波場正正舉行緊婚禮,有成三百位賓客。當其時突然間爆炸,成個波場炸到爛晒,玻璃窗都飛晒落街,連個天花板都冧埋。唔單止咁,連大堂嘅天花、燈,傢俬,玻璃門都整到爛晒。

第二個炸彈就響安曼凱悅酒店嘅大堂度爆,破壞力一樣咁勁。酒店大門口、柱、天花磚坐冚辦唥炸爛晒。連帶接待處同酒吧都炸埋。