2005年高雄標童命案

出自維基百科,自由嘅百科全書
跳去導覽 跳去搵嘢

2005年高雄標童命案係指一單發生喺台灣高雄鼓山區,一家人因為集體精神妄想,幻想自己神明附身,導致一家人自殘、互毆嘅死亡案件[1]

受害家庭背景[編輯]

吳姓一家六口(爸爸:吳武運、阿媽吳蔡月卿、胞弟吳旺元、長女吳金女、胞妹吳美紅、么女吳美宜)住喺鼓山一個社區,父母做小工為生,四名子女當時大約二十幾歲,分別從事護士、餐廳同埋印刷工作[1][2]

事件經過[編輯]

細妹首先被附身[編輯]

最細嘅妹妹今年二月底突然起乩,聲稱被三太子附身,同屋企人講,喺台北嘅大家姐會有生命危險,一定要返高雄,否則會有生命危險。老媽媽連夜將大女帶返屋企,但大女吳金女返到屋企訓覺嘅時候,就夢見自己被性侵犯,嚇到淨係敢喺日頭訓覺[1][3]

全家人被上身、互餵食屎抹尿[編輯]

屋企人之後諗起,大女喺三月頭有一次聽完一個電話之後就被神明上身,自稱係觀世音菩薩,跟住就徒手毆打自己自殘。家人情急之下,陪佢去五指山禪修,又去到楠梓區一家神壇收驚,但返屋企之後情況反而惡化,屋企人被神明上身,老豆自認被玉皇大帝上身、阿媽係王母娘娘、細妹係七仙女等,自殘互毆[1][3][4]

情形持續一個月,一家六口分別攞神主牌、枴杖互毆,甚至攞點燃嘅香燒焫對方,相信互撒鹽米、灌對方食屎、向對方抹尿液就可以驅魔,多日嚟只係飲符水維生,又唔覺得肚子餓,住在樓下嘅親戚,都嚇到唔敢返屋企,只得暫時棲身旅館[1][3]

一家無法正常工作,4月4號吳金女同屋企人前往姑姑屋企收驚,行經高雄市楠梓區一戶民宅,但就向對方惡意吐口水,經對方報警,被警方當成精神病患送回裕民街住處[5]

大女死亡、警察介入[編輯]

4月9號,大女冇咗氣息,但全家認為死嘅唔係大女,而是附身嘅妖魔。直到第二天上身嘅情形消失,佢地先將大女兒送往高雄醫學大學附設醫院急救,一家五人認為屋企有邪靈,擔心再被附身,全部喺外地匿埋,就算接獲警方通知要求到案說明,法醫驗埋屍,證實大女孩因為多日無食嘢,導致體內器官多重衰竭而死,並唔係因為中邪,屋企人都認為大女無死,直到阿媽被大女附身,話畀屋企人聽死訊,佢地先至接受事實[1][3][5]

警方當時偵辦亦覺得離奇,佢哋屋企當時各個窗口貼滿符咒,窗口曬著一排全部都係黑色嘅衣物。之後,檢警也建議死者家屬接受精神鑑定[6]。吳武運自稱當時全家人精神恍惚,知道吳金女出問題,但覺得嗰個唔係佢個女,所以無送醫。不過,醫學鑑定佢哋無精神病,檢方認為5人精神正常,但未及時施救,因此依遺棄致死罪起訴佢哋[7][8]

後來,鄰居有幫忙募款請法師驅邪、超渡,吳家人先恢復正常生活,但大家都唔願意再提起呢段往事[7]。去到2007年4月,《自由時報》嘅記者嘗試訪問佢哋,但吳武運就話自己無罪,拒絕訪問[2]

對命案嘅評論[編輯]

  • 國軍高雄總醫院精神科主任曾冬勝接受訪問嘅時候話,佢哋應該係患上家庭集體精神妄想症,而精神妄想症係精神科疾病入面就醫率最低嘅一群,因為佢地跟本唔覺得自己有病,一發作嘅話情況亦相當嚴重。就算有輕微情況,亦可能因為無影響社交同人際關係,所以無被鄰居或是同事發現,而家人彼此之間依然靠著緊密嘅宗教信仰聯繫著,唔會覺得有問題,更加唔會去求醫。曾冬勝又話,呢家人當中係護士,都堅信呢種情況唔係病,而是被妖魔鬼怪附身,反映佢哋長期以來有著根深柢固嘅錯誤觀念[1]
  • 高雄市道教會理事長柯天爽強調三太子屬於「正神」,唔可能隨便附身,吳家人自稱三太子附身,令他相當質疑;而且所有宗教都勸人做善事,唔會見死不救[9]
  • 2021年9月,安幼琪喺壹電視節目《突發琪想》入面,亦再次探討呢次命案。台灣媒體人丁學偉以玄學角度分析,話房子疑似係路沖,再加上整塊地不規則形,喺民間傳說入面係招惹鬼怪嘅凶屋,而呢家人係某次移動屋企入面一啲嘅三太子神像過程入面,遭到邪靈入侵,結果令呢個地方變成聚陰嘅宅地,進而遭邪靈騷擾[3]

文化影響[編輯]

參考[編輯]

  1. 1.0 1.1 1.2 1.3 1.4 1.5 1.6 自由時報電子報 (2005-04-21). "一家六口起乩 互餵大便 - 社會". 自由時報電子報 (中文). 喺2022-07-08搵到.
  2. 2.0 2.1 自由時報電子報 (2007-04-12). "搞「鬼」家庭 放任長女病死 1家5口遺棄罪起訴 - 社會". 自由時報電子報 (中文). 喺2022-07-09搵到.
  3. 3.0 3.1 3.2 3.3 3.4 "高雄離奇命案! 全家集體中邪「餵糞喝尿」 全因神像遭移位?". 壹電視 (中文). 喺2022-07-09搵到.
  4. TVBS. "六口集體中邪!起乩20日糞尿餬口│TVBS新聞網". TVBS (Chinese (Taiwan)). 喺2022-07-09搵到.
  5. 5.0 5.1 "一家六口迷信趕鬼 長女器官衰竭暴斃 - 大紀元". 大紀元 www.epochtimes.com (繁體中文). 2005-04-20. 喺2022-07-09搵到.
  6. ETtoday新聞雲. "高雄離奇命案1家6口突中邪「餵糞喝尿」 拿香灼身互毆…長女斷氣 | ETtoday星光雲 | ETtoday新聞雲". star.ettoday.net (繁體中文). 喺2022-07-09搵到.
  7. 7.0 7.1 中時新聞網. "社會9點檔》深信長女著魔!一家六口全中邪互毆打死她 通通吃官司 - 社會". 中時新聞網 (中文). 喺2022-07-09搵到.
  8. "女吃糞死 1家5口起訴|蘋果新聞網|蘋果日報". AppleDaily (中文). 喺2022-07-09搵到.
  9. 自由時報電子報 (2007-04-12). "搞「鬼」家庭 放任長女病死 1家5口遺棄罪起訴 - 社會". 自由時報電子報 (中文). 喺2022-07-09搵到.
  10. Storm.mg (2022-07-08). "一通電話讓全家拿香互焚、餵屎,最後喝符水暴斃!一窺《咒》駭人聽聞的真實慘案-風傳媒". www.storm.mg (Chinese (Taiwan)). 喺2022-07-08搵到.