2016年澳門誤報停課演習

2016年澳門誤報停課演習喺2016年3月21號發生，當日7點澳廣視早晨新聞宣佈由於暴雨信號，中小學上晝停課，過左冇耐喺7點35分左右主播更正話停課係演習，即係所有學生正常返學，搞到好多家長拿手唔成世同好多學生遲到，雖然誤報停課嘅電視台一早就道歉，但係統籌呢次演習嘅教青局局長梁勵就一直死都唔認錯，到晚豆黑開過記者會重要黑口黑面咁照稿講話呢次誤報唔關教青局事，而引發一連串民怨沸騰。

隔左兩日，3月23號教青局嘅公開活動，局長梁勵冇去，只係得副局長老柏生出嚟面對傳媒不停咁問，教青局終於肯喺鏡頭前第一次公開道歉，先平息民怨。