2018年十一遊行

出自維基百科,自由嘅百科全書
跳去導覽 跳去搵嘢

2018年十一遊行,係由民間人權陣線喺2018年10月1號發起嘅遊行,遊行以「拒絕危城」同「沒有安全國家,談何國家安全」為主題,要求徹查沙中綫問題。遊行隊伍下晝三點喺銅鑼灣東角道起步,遊行至公民廣場(金鐘政府總部東翼前地)[1]。民陣宣布有1500人參加遊行。差佬話遊行高峰有1250人[2]。另外,香港民族陣綫同學生獨立聯盟等主張香港獨立嘅組織下晝兩點半亦喺灣仔修頓球場近盧押道集會,其後一度同途經嘅民陣隊伍合流,參與遊行。佢哋喺軍器廠街電車站對出近中港大廈嘅一段行人路停低,並向其他遊行人士講解港獨理念[3]

遊行訴求[編輯]

民陣訴求:要求全面徹查沙中綫醜聞、運輸及房屋局局長陳帆落台[4]

遊行經過[編輯]

親中共組織搞事[編輯]

學生獨立聯盟、香港民族陣綫同埋學生動源,下晝兩點半喺灣仔修頓球場近盧押道集會,高舉港英旗及香港獨立旗幟,又揮動多支香港獨立旗幟,並高呼「香港獨立 拒絕沉淪」。其間10幾個「愛護香港力量」嘅成員舉起「這裏就是中國」標語,質疑支持港獨嘅人用乜原因申請集會,斥責差佬保護港獨分子。並指罵集會人士「食屎狗」、「蘿蔔頭」、「英國狗」、「獨狗」、「港獨係無自由嘅」,而學獨聯成員回應「支那人滾回大陸」。差佬架起鐵馬,分隔雙方,並呼籲在場人士保持克制,「不要做破壞社會安寧行為」。反港獨人士撕爛「Free HK」同「中國治下 香港資產 不受保障」標語,支持港獨嘅人質疑反港獨人士刑事毀壞。學生獨立聯盟召集人陳家駒表示,六年前「十一黨慶」所發生嘅南丫海難,至今死難者家屬仍然沉冤待雪。佢又回敬愛港力成員嘅指罵行為「影衰你哋政權,影衰你哋光榮嘅中國人身分」,呢班「愛國人士」以粗言穢語辱罵同佢哋意見相左嘅人,同中共呢個土匪政權一脈相承。[5][6]

擾攘近一個鐘,支持港獨一方舉起「香港獨立」旗幟同標語,加入民陣遊行隊伍,其間大嗌「香港獨立 以死相搏」等口號。[7]

差佬阻住港獨支持者入公民廣場[編輯]

到下晝四點幾,遊行隊伍已經到達金鐘政府總部外面,有一個示威者舉起寫住「香港唔獨 實變大陸」嘅標語。行政署保安同差佬就話行政署覺得示威物品唔合規定,唔俾示威者入公民廣場。其餘遊行人士不滿,包括本土派、港獨派及香港眾志等政團人士。雙方一度發生衝突,示威者同差佬推撞約十分鐘後,最後都係入到公民廣場[8][9]

反應[編輯]

泛民主派[編輯]

民陣對於行政署突然亂添紅線,臨時唔畀被視為有「港獨」內容嘅示威標語入公民廣場,並因此搞到有唔愉快嘅爭執事件,民陣對行政署嘅決定表示不滿,認為呢個決定冇法理基礎,更加係侵害市民嘅政治表達權利同示威權利[10][11]。行政署阻住示威者入公民廣場係導致今次衝突發生嘅唯一原因[12]

特區政府[編輯]

林鄭月娥星期二(2號)出席行政會議之前,對於民陣十一遊行到公民廣場集會嗰陣時,三個行政署保安因為想阻住舉起港獨標語嘅示威者而倒地「受傷」表示「極度遺憾」[13]

其他資料[編輯]

《蘋果》動直擊 2018-10-01 十●一民陣遊行

[編輯]

  1. "【多圖:十一遊行】民陣遊行「拒絕危城」 批政府放寬沙中線沉降標準 召集人:無港獨團體表示參與". 明報. 2018-10-01.
  2. "【短片:十一遊行】民陣稱1500人參與 警方稱最高峰1250人 政府:不容公民廣場進行「港獨」活動". 明報. 2018-10-01.
  3. "學生獨立聯盟稱無懼被取締". 香港蘋果日報. 2018-10-01.
  4. "民陣發起十一遊行 要求全面徹查沙中綫、陳帆下台". 香港獨立媒體. 2018-09-11.
  5. "【十一遊行】梁頌恆以民族陣綫發言人身分亮相 獨派與反獨互罵". 明報. 2018-10-01.
  6. "【十‧一民陣遊行】民陣宣布有1500人參與 警方指最高峰時有1250人". 香港蘋果日報. 2018-10-01.
  7. "30人加入民陣大隊 舉港獨標語喊「以死相搏」 3港獨組織結伴遊行 警緊隨拍攝". 明報加西版. 2018-10-02.
  8. "【十一遊行】市民舉港獨標語 被警方阻進公民廣場 雙方一度爆衝突". 立場新聞. 2018-10-01.
  9. "香港當局阻撓港獨人士參加集會|民眾成功護送進場". 本土新聞. 2018-10-02.
  10. "就「十一遊行」終點集會發生衝突事件聲明". 民間人權陣線. 2018-10-01.
  11. "有關元旦遊行安排之聲明". 民間人權陣線. 2018-12-29.
  12. "【十‧一遊行】民陣批政府「篩選」示威者 為言論自由「亂劃紅線」". 香港蘋果日報. 2018-10-01.
  13. "十一遊行持「港獨」標語禁進公民廣場續受批評". 自由亞洲電台 (中文). 2018-10-03.