2019年歐洲議會選舉

2019年歐洲議會選舉喺2019年5月23－26號期間舉行，係自1979年第一次直選以嚟嘅第九次。截至2018年，一共有751位歐洲議會議員（MEP）代表嚟自28個成員國嘅五億一千二百萬人。

喺2018年2月，歐洲議會投票通過：如果英國喺2019年3月29號脫歐，議員（MEP）人數會由751位減至705位。 不過由於英國延遲脫歐，英國同其他歐盟成員國一樣參與今次選舉。

新條例

歐洲理事會喺2018年6月7號同意改善歐盟選舉條例，同埋改革1976年選舉法當中嘅舊條例。目的係要改善選舉參與度、更好咁理解選舉嘅歐洲特色、同埋喺尊重各個成員國嘅憲制同選舉傳統嘅同時，防止異常嘅投票。 新嘅選舉唔准雙重投票同埋唔准喺第三國投票，希望咁樣可以提高歐洲政黨嘅知名度。 為咗唔畀人投兩次票，各國負責聯絡嘅機關要喺選舉六個禮拜之前開始交換選民資料。

歐洲議會喺2018年7月4號表示同意之後，理事會喺13號就採納咗呢份法案。之不過歐盟成員國唔可以喺2019年大選之前生效法案，所以今次大選會跟返之前嘅規矩咁做。

政治團體同埋候選人

喺一個叫做 Spitzenkandidat（「頂級候選人」）嘅過程當中，會由歐洲咁多政黨提名候選執委會主席，贏到最多席位嘅政黨可以優先嘗試籌組議會多數黨，支持返自己嘅候選人（有啲似喺國會民主制度裏面選出總理咁）。2014年係第一次咁樣做，當時都有理事會嘅人反對。 雖然唔清楚未來嘅過程係點，但係議會一直都有嘗試制度化個過程，而且都幾肯定政黨可以再次揀選候選人。2018年1月23號，憲制事務委員會採用咗一段文字，話 Spitzenkandidat 係唔顛覆得嘅，而且議會「將會拒絕任命任何無被指明成為 Spitzenkandidat 候選人嘅人」。

喺2018年5月，有民調顯示，喺28個歐盟國家、兩萬七千幾萬人入面，有四成九受訪者話 Spitzenkandidat 會幫到佢哋下次大選投票，同時亦有七成人話個過程要認真傾下度下歐洲嘅議題。

歐洲人民黨（EPP）

現任嘅 Jean-Claude Juncker 已經講咗唔會尋求連任主席。

有兩個候選人謀緊EPP嘅提名：

• Alexander Stubb，歐洲投資銀行副主席，前芬蘭總理、外相同財相。
• Manfred Weber, 而家喺歐洲議會入面 EPP 嘅領袖，係巴伐利亞基社盟嘅成員，有默克爾撐佢做黨嘅頂級候選人（Spitzenkandidat ）。

係佢哋嘅2018年大會上面，EPP 揀咗 Manfred Weber 做佢哋嘅歐洲執委會主席頂級候選人。

歐洲社會主義人黨（PES）

之前嘅候選人Martin Schulz喺2007年離開咗歐洲議會，走咗去做德國社會民主黨嘅阿頭，但佢喺2018年又無做喇。

PES 嘅成員黨同成員組織提名咗兩個候選人：

• Maroš Šefčovič（執委副主席）喺九月宣布競逐做執委阿頭。
• Frans Timmermans（首任執委副主席、前荷蘭外交大臣）喺10月宣布競逐做執委阿頭。

Šefčovič喺11月宣布退出，轉為支持 Frans Timmermans 做Common Candidate。

PES 會喺里斯本開個非常大會去啟動候選人選舉同埋就呢件事投票。