AV終結者
AV終結者（病毒編碼：Win32.Trojan.KillAV.DR／Win32.Trojan.AntiAV.dsg）係隻Windows嘅木馬病毒，識得將個人電腦入面啲殺毒軟件全部搞冧嗮，之後病毒會自動連到指定黑客網去猛咁下載好多木馬病毒同惡意軟件嚟搞冧用户嘅網遊、網銀、賬號同密碼、機密檔案，甚至連殺毒軟件網站都唔畀入噉。
主要特征[編輯]
- 自己識禁嗮同殺毒、安全工具有關啲軟件。
- 破壞安全模式，令用戶入安全模式到一半就自動重啟。
- 強制閂嗮帶「病毒」字樣嘅網站，即使係安全論壇都入唔到，連搜索引擎搜嚫佢都唔掂。
- 格式化（唔理係高格定低格）重裝系統都冇用。因為格式化重裝後入咗其它盤，病毒亦會重新激活兼發展到任一硬盤入面。除非格嗮冚唪唥嘅盤或全面重新分驅。