BSD許可證

BSD授權條款（英文：Berkeley Software Distribution license）係自由軟件入面用得最廣泛嘅授權條款。BSD就係用咗呢個許可證，所以叫做 BSD授權條款。

BSD套件一開始係屬於加州大學嘅董事會，咁係因為 BSD 係由加州大學伯克利分校發明。BSD開始咗之後，BSD授權條款就被人修正咗，令到之後好多BSD變種，都用咗差唔多風格嘅條款。

同其他條款比起嚟，由GNU通用公共許可證（GPL）去到限制重重嘅著作權（Copyright），BSD許可證寬鬆啲，甚至同公有領域更加接近。事實上，BSD許可證畀人認為係copycenter（中間版權），介乎喺標準嘅copyright同埋GPL嘅copyleft之間。

"Take it down to the copy center and make as many copies as you want"。 

可以講，GPL強迫後續版本一定要一樣係自由軟件，BSD嘅後續版本可以揀要繼續係BSD或者其他自由軟體條款，甚至變做封閉軟件。

類似嘅許可證

下面呢幾隻自由軟件、開源軟件許可證，係衍生自BSD或者同BSD好似：

• NetBSD以前都係用原始嘅BSD許可證，但係NetBSD基金會表示由2008年6月20號開始，改做用兩句版許可嘅授權，即係2-clause BSD-like LicenseWayback Machine嘅版面存檔備份，唔要許可證上面第三句同埋第四句。噉就同MIT許可證嘅功能一樣。呢個都係唯一畀用做特定庫（例如KDE）嘅BSD風格許可證。
• FreeBSD亦都用咗一個兩句版許可證，另外要喺末尾添加貢獻者一覽，亦都係非FreeBSD工程官方貢獻者一覽。
• OpenBSD對所有添加嘅軟件，用咗Internet Systems Consortium, Inc嘅版權許可，功能上就係兩句版嘅BSD許可，冇其他嘅添加語句。

參考

1. ^ 引自：http://catb.org/~esr/jargon/html/C/copycenter.htmlWayback Machine嘅版面存檔備份
2. ^ 詳見：http://www.gnu.org/philosophy/license-list.html#OriginalBSDArchived 2012-03-17 at WebCite
3. ^ 詳見：ftp://ftp.cs.berkeley.edu/pub/4bsd/README.Impt.License.Change
4. ^ 詳見：http://techbase.kde.org/Policies/Licensing_PolicyWayback Machine嘅版面存檔備份
5. ^ 詳見：http://www.freebsd.org/copyright/freebsd-license.htmlWayback Machine嘅版面存檔備份

出面網站

• BSD License TemplateWayback Machine嘅版面存檔備份
• The BSD License Problem (GNU Project)Archived 2012-02-08 at WebCite
• The Amazing Disappearing BSD LicenseWayback Machine嘅版面存檔備份
• Materials about the Unix System Laboratories v. BSD caseWayback Machine嘅版面存檔備份
• Marshall Kirk McKusick, Twenty Years of Berkeley Unix: From AT&T-Owned to Freely Redistributable, in: Open Sources: Voices from the Open Source Revolution, O'Reilly 1999Wayback Machine嘅版面存檔備份
• 比較五隻開源協議(BSD,Apache,GPL,LGPL,MIT)Wayback Machine嘅版面存檔備份
• 揀GPL定係BSD好?