燕窩
燕窩係某啲品種燕嘅巢，最多係來自印尼一帶諸島。燕窩係唐人貴價補品，跟價來排，最靚嘅叫官燕、普普通通嘅叫常燕，質素唔多靚嘅叫毛燕[1]。
名
[編輯]燕窩個窩，即係巢咁解。
史
[編輯]燕窩生意，由南洋到唐山，多數都喺唐人同葡萄牙人手上。舊時係宗大生意[1]。
產地
[編輯]舊時多數燕窩都喺渣華同蘇門答臘出口[1]。家下唔少地方都有。
巢
[編輯]燕窩係由一種細燕學名Hirundo esculenta而來，佢食咗一種海草，學名Gelidium，就可以分泌種膠質來造巢。個巢睇起來就好似膠線整埋一堆，巢白色，帶紅。佢厚唔過銀匙羹，四分一到半安士。乾咗會脆，縐（讀巢）縐地，大細同鵞蛋差唔多[1]。
價值
[編輯]
燕窩越白、越乾身、越乾淨就越貴。佢地會包埋一扎，用籐護住個形[1]。
燕窩品質，要視乎地點、山窿大細、同埋時節。最好嘅燕窩係未哺蛋之前得手。如果只係有蛋，咁都係重係值錢。如有燕仔，或者飛走晒，就一啲都唔值錢，因為變晒深色，有血，有羽毛，有沙泥[1]。
燕窩係一年採兩次，就算山窿唔理一兩年，都唔會有多。舊時會有啲土王派人守住，以免埋人入咗去。家下都係一樣咁保安深嚴[1]。
地點來講，最靚嘅係山窿最深嘅地方，尤其係越濕越好。嗰度如果無乜搞亂，基本可以採到無限期。唔係話係越係海邊就越有利，反而深入50哩重更加有利可圖[1]。
採法
[編輯]好多巢都係海邊山窿，好多石，有唔少係個口喺水上幾百呎高，下面浪濤洶湧。而山窿裏便黑蚊蚊，最點住火把或者燈先睇到，又要擔梯揸籐，左爬右爬，先上到去個巢。只要稍稍唔小心跣跣，都會粉身碎骨。所以好多時只會搵啲後生仔做[1]。
採咗落來，就會好小心咁清走啲羽毛同塵土。響太陽下曬乾，包裝好就可以拎去賣[1]。
食法
[編輯]
唐人信燕窩可以補身，又完全對人無害[1]。
燕窩拎來食之前，首先要將所有異物清除，咁會用鉗仔同刀仔。清晒之後，用水洗下，就浸佢幾成膠，就可以用來煮餸[1]。