朝鮮

呢篇文講緊朝鮮半島上嘅文明，另外可以睇吓朝鮮民主主義人民共和國同大韓民國。

  想搵第二個意思嘅話，請睇朝鮮 (搞清楚)。

朝鮮位置

朝鮮（粵拼：ziu1 sin1；韓文：조선／朝鮮 ^Joseon）係東亞區域之一，包含有唔同意義。由史學角度，朝鮮可以追溯到公元前12世紀出現嘅箕子朝鮮，歷經多個政權更替，到近代李氏朝鮮、日治時期、朝鮮民主主義人民共和國同大韓民國等一系列朝代同政權嘅連貫歷史嘅整體。由地理嘅角度，朝鮮係位於亞洲東部，中國東北同日本之間嘅朝鮮半島。由政治同行政嘅角度，而家存在南北兩個政體：管緊朝鮮半島北部（北朝鮮）嘅朝鮮民主主義人民共和國，同埋管緊朝鮮半島南部（南韓）嘅大韓民國。