DOS

類 MS-DOS 系統嘅畫面

DOS（英文全名：Disk Operating System，可以譯磁碟作業系統或者磁碟操作系統），狹義上指同 MS-DOS 兼容嘅一類作業系統；但係廣義上，改個咁嘅名只係標榜可以操作磁碟機。

狹義嘅 DOS

喺而今，一般講 DOS 都係狹義咁指微軟寫畀 IBM PC 兼容機用嘅 MS-DOS 同其他廠商推出過嘅其他兼容版本，1980年代尾到1990年代常見。因為 MS-DOS 唔係開源軟件，其他廠商只能夠透過還原工程估個應用程式介面應該點複製，唔會百分百兼容。所以最出名同最多人用嘅係 MS-DOS 一啲都唔出奇。

廣義嘅 DOS

但係其實廣義上，或者歷史上，有好多機種都用過 DOS 爾個名，包括大型電腦同個人電腦都有，而且唔同機種嘅 DOS 可以完全冇關係。除咗 MS-DOS 之外，個人電腦嘅例子包括 Apple II 用嘅 Apple DOS。

至於點解要標榜可以操作磁碟機，其中一個原因可以係之前嘅作業系統唔可以，例如 Apple II 本來只能夠操作卡式錄音帶，磁碟機係後來嘅事。