Gag

出自維基百科,自由嘅百科全書
Jump to navigation Jump to search

Gag 係一個演講術語,即係話喺演講入面,加一啲令人印象深刻嘅嘢入去,例如係一個笑話咁,等啲人聽嘢聽得過癮啲,即係廣東話所謂搞 GAG,就係呢樣嘢。

普通話嘅「」亦有類似意思,來自傳統相聲術語。台灣人多將gag叫做「」,有所謂「鋪哏」,即係喺一個演講入面安排嘅合乎演講內容,又聽得生鬼過癮嘅元素。

藝能界亦有用 GAG,喺一啲電影或者電視綜藝節目入面會利用 GAG 去制造效果,有啲 GAG 完全無效果會叫做「爛 gag」,台灣叫「爛哏」,或者一啲用到冇人用嘅舊 GAG 就叫做「老哏」。

爛gag[編輯]

內文: 爛Gag

Universal gag[編輯]

Universal gag係指一啲非常普遍、大部分人都聽過、而且經常被重覆,聽到已經唔再識笑嘅gag。例子包括:

  • 我的普通話很普通(用普通話讀出,經常喺同大陸人初次見面中用到)

Running gag[編輯]

Running gag 係指一個場境裏面發生咗好多次嘅笑話。例如有兩個小偷去打劫,打咗好多次都因為唔同gag而失敗,產生咗喺同一個場境裏面發生多次而唔同嘅gag。

Song gag[編輯]

Song gag可以分兩種:一種係一首歌俾人改咗啲好笑歌詞;一種係歌詞唔變,但係將MV改拍,變咗gag。亦都可以兩種一齊做,只要曲唔變就得喇。

參考[編輯]