跳去內容

iPhone (第一代)

出自維基百科，自由嘅百科全書
第一代iPhone
開發蘋果公司
整富士康（合約製造商（英文：Contract_manufacturer））
口號蘋果重新發明咗手機。Apple reinvents the phone.
呢個只係個開始。This is only the beginning.
規格智能手機
世代1
賣2007年6月29號，18年之前 (2007-06-29)
Discontinued2008年7月15號，17年之前 (2008-07-15)
販售數量6,124,000
作業系統原本：iPhone OS 1（英文：IPhone_OS_1）
最後支援：iPhone OS 3（英文：IPhone_OS_3）
容量4、8、16GB 快閃記憶體
記憶體128MB eDRAM（英文：EDRAM）[1]
顯示90毫米（3.5吋）屏幕對角線
480×320 解像度
163 像素密度（英文：Pixel_density）
3：2 顯示長闊比例
18位元 LCD
60Hz更新率
輸入
背面相機200萬像素地理標籤（英文：Geotagging）（唔係基於GPS）
正面相機冇
連線功能Quad band（英文：Multi-band_device） GSM（英文：GSM）/GPRS（英文：GPRS）/EDGE（英文：EDGE_(telecommunication)）
（850/900/1800/1900（英文：GSM_frequency_bands） MHz）
Wi-Fi（IEEE 802.11（英文：IEEE 802.11） b（英文：IEEE 802.11b-1999）/g（英文：IEEE_802.11g-2003））
藍牙2.0
專有30針基座連接器（英文：Dock connector#30-pin dock connector）[2]
尺寸115 mm（4.5 in） 高
61 mm（2.4 in） 寬
11.6 mm（0.46 in） 深
重量135 g（4.8 oz）
之前iPod
Motorola Rokr E1（英文：Motorola_Rokr_E1）
之後iPhone_3G
重有iPad、IPod_Touch（英文：IPod_Touch）（比較（英文：iOS version history#Hardware support））
網站蘋果公司網站[3]

iPhone[a]（又叫做iPhone 2G）係2007年由蘋果公司開發同賣嘅第１代智能電話產品，亦都係iPhone系列嘅第１款裝置。呢部機採用咗三星S5L8900系統級晶片（英文：Early iPhone systems-on-chip）（90nm）、3.5吋多點觸控螢幕同埋１個Safari網頁瀏覽器。經過多年嚟嘅謠言同猜測，呢部手機喺2007年1月9號正式發布[6]，仲喺2007年6月29號喺美國推出上市。

第１代iPhone嘅開發喺2005年開始，仲一直喺保密狀態，直到2007年喺Macworld/iWorld（英文：Macworld/iWorld#2007）大會上面正式公開亮相。呢款手機打破咗當時現有嘅手機設計，取消咗大部分實體㩒掣，仲採用咗唔需要用到觸控筆而係依靠手指操作嘅觸控螢幕介面。第１代iPhone採用咗四頻（英文：Multi-band device）GSM（英文：GSM）蜂窩連接，仲支援GPRS（英文：GPRS）同埋EDGE（英文：EDGE）去做數據傳輸，亦都用持續嘅網絡存取同埋板載處理嚟支援同語音通訊冇關嘅功能。

第１代iPhone喺發布之前就引起咗極大嘅關注[7]，就算呢部機喺歐洲地區嘅反應並唔熱烈[8]，但係呢部機好快就做咗蘋果公司最成功嘅產品[9]。iPhone當時主要吸引嘅係一般大眾，而唔係BlackBerry電話同IBM主要關注嘅商界。iPhone透過整合現有技術仲擴展可用度，徹底顛覆咗智能手機產業[10]，而iPhone嘅後續產品令到蘋果公司做咗全球最賺錢嘅公司（英文：List of largest companies by revenue）之一[11]。呢部手機嘅繼任產品—iPhone 3G喺2008年6月9號推出。

發展史

[編輯]
内文：iPhone嘅歷史（英文：History of the iPhone）

2000年，蘋果公司總裁喬布斯預想去推出一款輕觸式熒幕產品，用家可以唔駛用觸控筆而直接用手指去做互動。觸控筆係當時好多現有嘅觸控螢幕裝置成日用嘅工具，包括蘋果公司喺1993年自家推出嘅Apple_Newton（英文：Apple_Newton）。喬布斯認為呢個裝置需要個多點觸控３層電容式多點觸控螢幕，呢個喺當時係個非常之新穎而且先進嘅技術。呢個對於取代實體鍵盤同滑鼠有幫助。呢個亦都同當時成日見到嘅平板電腦、人機介面同埋銷售點系統相同。喬布斯招募咗一批蘋果工程師將呢個諗法作為一個附帶項目去研究[12]。當喬布斯審視咗原型機同埋嗰個用家介面嗰陣時，佢睇到將呢個概念發展做手機嘅潛力，可以同當時新興嘅觸控螢幕手機市場入面已經建立嘅牌子去競爭[13]。成個努力喺2005年開始被叫做「紫色２號計劃Project Purple 2」[14]。蘋果公司喺1999年12月買咗「iphone.org」嘅網域[15]。

蘋果公司同而家附屬AT&T嘅Cingular Wireless（英文：AT&T Mobility）做咗史無前例而且秘密嘅合作嗰陣開發咗呢款裝置。此次30個月內嘅合作開發成本估計係$1.5億美金[16]。蘋果公司拒絕咗摩托羅拉曾經催生Motorola Rokr E1（英文：Motorola_Rokr_E1）嘅「委員會設計（英文：Design by committee）」方法，呢次基本上係同對方唔成功嘅合作。相反，Cingular Wireless畀蘋果公司自由咁自主開發iPhone嘅硬件同軟件[17][18]。2007年1月9號，喬布斯喺加州[三藩市]]莫斯康展覽中心（英文：Moscone_Center）舉行嘅Macworld/iWorld（英文：Macworld/iWorld#2007）大會暨博覽會裡面嘅主題演講（英文：Stevenote）推出第一代iPhone[12]。喬布斯喺演講裡面話「呢個係我兩年半以嚟一直期盼嘅一日」，同埋「今天，蘋果公司將會重新發明手機」[19]。喬布斯介紹話iPhone係３種裝置嘅結合體：有闊螢幕觸控嘅iPod；一款「革命性嘅手機」；同埋「突破性嘅網路通訊器」[20]。

喺iPhone發布嘅６個禮拜之前，玻璃螢幕取代咗塑膠螢幕。呢個係因為喬布斯發現原型機畀佢自己衫袋裡面嘅鎖匙刮花咗，搞到佢非常之忟。呢次快速轉換促成咗富士康贏到製造承包商嘅招標，嗰間公司啱啱喺佢哋深圳工廠綜合大樓專門為呢次競標開設咗一個新翼[21]。蘋果公司同康寧公司（英文：Corning_Inc.）合作生產玻璃螢幕[22]。

發行

[編輯]
2007年喺Macworld上第１次展示嘅iPhone。

初版

[編輯]

喺受訪嘅美國人裡面，有６成人話佢哋喺iPhone發布之前就已經知道[23]。美國，iPhone喺2007年6月29號喺美國上市，4GB機型嘅售價係$499美金，而8GB機型嘅售價係$599美金，兩款機都需要簽兩年合約[12]。據報，喺呢部裝置推出前幾日就有成千上萬嘅人喺蘋果公司同埋AT&T嘅零售店出面喺度等[24]；好多零售店報告話，iPhone喺上市一個鐘內就出現冇貨嘅情況[25][23]。

呢款手機喺2007年11月開始响歐洲市場賣[26]，首先喺德國，跟住就到英國同法國[27]。報導話呢次推出並未受到太多嘅關注[28]。Orange（英文：Orange_Group）喺法國嘅售價係€649歐羅[29]。iPhone喺2008年3月13號响奧地利同愛爾蘭共和國開賣[30][31]。

喺加拿大，羅傑斯無線（英文：Rogers Wireless）喺2008年4月宣布與蘋果達成協議，將iPhone引入加拿大市場[32]。第一代iPhone最終都冇喺加拿大發售，取而代之嘅係第２代—iPhone 3G[33]。

發行後

[編輯]
8GB版本嘅iPhone。

iPhone喺消費市場同埋商務市場嘅主要競爭對手被認為係LG Prada（英文：LG_Prada）、LG Viewty（英文：LG_Viewty）、三星 Ultra Smart F700（英文：Samsung_Ultra_Smart_F700）、Nokia N95（英文：Nokia_N95）、Nokia E61i（英文：Nokia_E61#E61i）、Palm Treo 750（英文：Treo_750）、Palm Centro（英文：Palm_Centro）、HTC Touch（英文：HTC Touch）、Sony Ericsson C905（英文：Sony_Ericsson_C905），同埋BlackBerry電話[34][35][36][37]。

降價同修訂

[編輯]

iPod Touch（英文：IPod_Touch）係一款有iPhone嘅媒體同互聯網功能介面嘅觸控屏幕裝置，不過就冇辦法連接去到蜂窩網絡嚟實現電話功能或者上網嘅能力，呢部機喺2007年9月5號發行。同時，蘋果大幅將8GB嘅iPhone嘅價錢由$599美金降到去$399美金（仍然需要同AT&T簽兩年合約），同時停產$499美金嘅4GB型號[38]。蘋果公司喺收到對價格跌咗而覺得不安嘅「幾百封電郵」之後，佢哋就向早期用家畀咗$100美金嘅店舖信用額[39]。

蘋果公司喺2008年2月5號推出咗一個售價係$499美金嘅16GB型號，呢個係同4GB型號嘅原本推出價一樣[40]。蘋果公司喺2008年3月6號發布咗iOS軟體開發工具包（英文：IOS_SDK），畀開發者創建由iPhone OS 2（英文：iPhone OS 2）版本開始嘅應用程式，嗰個版本仲提供免費升級畀iPhone用家。蘋果公司喺同年6月9號發布咗iPhone 3G，仲喺同年7月11號開始賣[41]，而第一代iPhone就喺４日之後停產。

銷售量

[編輯]

蘋果公司喺iPhone上市嘅第１個禮拜响美國國內就賣出咗270,000部iPhone[42]，蘋果公司喺iPhone上市嘅74日之後就賣出咗第100萬部iPhone[43]。蘋果公司喺2008年1月報告話賣咗400萬部[44]。截至 2007年第４季，iPhone嘅強勁銷量令到蘋果公司僅次於Research In Motion成為美國第二大智能手機廠商，亦都領先過所有Windows手機供應商[45]。

截至2007年10月，iPhone係美國第４大暢銷手機，喺前面嘅有Motorola Razr V3（英文：Motorola_Razr_V3）、LG Chocolate（英文：LG_Chocolate）同埋LG VX8300（英文：LG_VX8300）[46]。

同美國去比[28][47]，歐洲嘅銷售係「疲軟」[48]。就算蘋果公司嘅合作夥伴話佢喺英國嘅周末發布會攞到成功，但係《英國註冊報（英文：The_Register）》就話佢係「失敗」。根據一位分析師話，iPhone嘅人均銷量係美國嘅四分之一[49]，據報佢嘅銷量唔及LG Viewty（英文：LG_Viewty）[50]。喺法國，據報呢部手機喺第１個禮拜已經賣咗30,000部[29]，係是德國10,000部銷量嘅３倍[42][51]。

2008年7月15號，第一代iPhone停產，總銷售量係6,124,000部。

效能

[編輯]

硬件

[編輯]

外部硬件

[編輯]

第一代iPhone嘅外部硬件，講嘅係螢幕同材料質地等等都係由一種軟金屬—鋁去製造而成[52]。iPhone嘅螢幕係由１塊解像度係320×480，而像素密度（英文：Pixel_density）係163個ppi嘅LCD螢幕，螢幕更新率係60個赫茲，而屏幕對角線嘅長度係90毫米（3.5吋），比當時的大多數手機都要大得多，而且呢部手機係第１款採用多點觸控技術嘅手機。呢部iPhone嘅後置相機解像度係200萬像素，仲有地理標記（英文：Geotagged_photograph）嘅功能。

呢部iPhone一共有４個㩒掣同埋１個開關：電源同埋睡眠㩒掣、音量加減掣、靜音／鈴聲開關，同埋喺手機正面底部中間嘅Home掣。㩒落去Home掣就會將用家由而家正在喺度用緊嘅任何應用程式即刻返到去主畫面（英文：Home_screen）。

內部硬件

[編輯]

iPhone嘅內部硬件包括咗主機板同系統單晶片...等等。第一代iPhone用咗三星嘅32位元ARM架構微型處理器（英文：Microprocessor），為咗延長電池嘅續航力，佢嘅主頻由原本嘅620MHz降頻（英文：Underclocking）去到412MHz[53][54]。佢嘅GPU係PowerVR MBX Lite 3D[55]。

第一代iPhone仲配備咗幾組感應器，包括加速計（英文：Accelerometer）、鄰近感測器（英文：Proximity_sensor），同埋光感應器。第一代iPhone同iPod Touch（英文：IPod_Touch）類似，都配備咗3.5毫米輔助耳機嘅插窿。呢款手機內建咗 3.7 V 1400 mAh（英文：Ampere-hour）嘅鋰離子電池。

軟件

[編輯]
睇埋：iOS、iPhone OS 1（英文：iPhone OS 1）、iPhone OS 2（英文：iPhone OS 2）同iPhone OS 3（英文：iPhone OS 3）

喬布斯喺當年１月發布iPhone嗰時話：「iPhone運作OS X」仲可以運作「桌面級應用程式」[56][57]，但喺iPhone發布嗰時，嗰個操作系統被改名做「iPhone OS」[58]。

第１代iPhone喺停產之前支援３個主要操作系統版本：iPhone OS 1、2同3。因為iPhone OS 3.2（英文：IOS_version_history#iPhone_OS_3）原意係為第１代iPad（英文：IPad_(1st_generation)）設計嘅，所以呢款手機收到嘅最後一次更新係iPhone OS 3.1.3。

軟件歷史

[編輯]
内文：iOS版本歷史（英文：IOS_version_history）

第１代iPhone嘅原始操作系統iPhone OS 1包含咗可視化語音信箱（英文：Visual_voicemail）、多點觸控手勢、HTML電郵（英文：HTML_email）、蘋果公司嘅Safari網頁瀏覽器、主題（英文：Thread_(online_communication)）短訊（英文：Text_messaging）、１個iPod音樂同影片播放器應用程式、專門嘅YouTube應用程式，同埋由Google地圖提供支援嘅地圖應用程式。呢個iOS仲包含基本嘅電話、通訊錄、日曆、相片、股票、天氣、時鐘、計數機、備忘錄同埋設定嘅應用程式。不過，例如係多媒體短訊、流動應用程式同埋剪下、複製、貼上（英文：Cut,_copy,_and_paste）呢啲好多功能喺發布嗰時仲未得到支援，令到黑客將佢哋嘅手機越獄（英文：IOS_jailbreaking）嚟加入呢啲功能。蘋果公司後嚟透過軟體更新逐漸加咗呢啲功能。

2007年9月，喺蘋果公司推出iPod Touch（英文：IPod_Touch_(1st_generation)）嘅同時，v1.1嘅更新包括咗一個iTunes商店嘅應用程式，呢個係第１個加入系統嘅新應用程式。

iPhone OS 2喺2008年7月11號同iPhone 3G同時發布，仲引入咗支援用iOS SDK（英文：iOS SDK）開發嘅原生第３方應用程式、支援Microsoft Exchange Server（英文：Microsoft Exchange Server）[59]、電郵推送（英文：Push_email），同埋其他增強功能。

iPhone OS 3喺2009年6月17號同iPhone 3GS一齊發布，仲引入咗複製貼上功能、主畫面（英文：SpringBoard）上面嘅Spotlight搜尋（英文：Spotlight_(Apple)）功能，同埋YouTube應用程式嘅新功能。iPhone OS 3曾經都適用喺第１代iPhone仲有iPhone 3G同埋iPhone 3GS。不過，並唔係iPhone OS 3嘅所有功能都支援第１代iPhone，例如訊息（英文：Messages (Apple)）應用程式裡面嘅多媒體短訊。

iPhone OS 3.1.3係蘋果公司喺2010年2月為手機發布嘅最後一個iPhone OS（而家叫iOS）版本，因為iPhone OS 3.2原意係為第１代iPad設計嘅，所以呢款手機從來未攞到完整嘅iPhone OS 3功能集。

喺2012年9月尾發布咗iOS 6（英文：iOS 6）之後，幾乎所有應用程式都唔會再喺第１代iPhone上面運作，因為軟件開發工具包（SDK）已經改咗，最低限度唔再畀「針對」iOS 4.3以上嘅版本（包括3.x），又或者係ARMv6裝置（頭兩代）。

睇埋

[編輯]

註

[編輯]
  1. ↑ 追溯返叫做iPhone 2G[4]或者係iPhone 1[5]。

參考

  1. ↑ "Apple (Samsung S5L8900) applications processor with eDRAM". SUBM TechInsights. 原著喺July 15, 2010歸檔. 喺May 12, 2009搵到.
  2. ↑ "iPhone – Tech Specs". Apple. July 14, 2007. 原著喺July 14, 2007歸檔. 喺January 19, 2009搵到.
  3. ↑ "Apple – iPhone". 歸檔時間2007年6月29號. 喺2025年9月10號搵到.{{cite web}}: CS1 maint: bot: original URL status unknown (link)
  4. ↑ Wong, Raymond (June 29, 2017). "What it's like to use the original iPhone in 2017". Mashable (英文). 原先內容歸檔喺March 26, 2022. 喺March 26, 2022搵到.
  5. ↑ Rohmetra, Amogh (March 27, 2022). "iPhone 1 — A 'revolutionary' smartphone that debuted at the 2007 Oscars". ThePrint (美國英文). 原先內容歸檔喺May 1, 2022. 喺May 1, 2022搵到.
  6. ↑ Dolan, Brian (December 18, 2006). "Timeline of Apple "iPhone" Rumors (1999–Present)". Fierce Wireless. 原先內容歸檔喺April 15, 2008. 喺February 17, 2008搵到.
  7. ↑ Pogue, David (2007-06-27). "The iPhone Matches Most of Its Hype". The New York Times (美國英文). ISSN 0362-4331. 喺2025-05-19搵到.
  8. ↑ Sander, Ralf (26 December 2007). "Das Jahr, als das iPhone herabstieg". Stern.
  9. ↑ Sander, Ralf (26 December 2007). "Das Jahr, als das iPhone herabstieg". Stern.
  10. ↑ Mortillaro, Nicole. "On the iPhone's 10th anniversary, how it revolutionized smartphones". CBC. 原先內容歸檔喺June 15, 2022. 喺November 15, 2021搵到.
  11. ↑ Tibken, Shara. "10 ways the iPhone changed our lives". CNET (英文). 原先內容歸檔喺November 15, 2021. 喺November 15, 2021搵到.
  12. 1 2 3 Cohen, Peter (January 9, 2007). "Macworld Expo Keynote Live Update: Introducing the iPhone". Macworld. 原先內容歸檔喺July 24, 2018. 喺September 4, 2020搵到.
  13. ↑ Walter Mossberg; Kara Swisher (June 2, 2010). D8: Steve Jobs on the iPhone's Origin. All Things Digital. 時間 0:20. 原先內容歸檔喺May 25, 2011. 喺June 20, 2010搵到.
  14. ↑ Murtazin, Eldar (June 20, 2010). "Apple's Phone: From 1980s' Sketches to iPhone. Part 3". Mobile-review. 原先內容歸檔喺April 27, 2019. 喺September 4, 2020搵到.
  15. ↑ "Timeline of Apple "iPhone" Rumors (1999-Present)". Fierce Wireless (英文). December 18, 2006. 原先內容歸檔喺January 30, 2022. 喺January 30, 2022搵到.
  16. ↑ Vogelstein, Fred (January 9, 2008). "The Untold Story: How the iPhone Blew Up the Wireless Industry". Wired News. Condé Nast Publications. pp. 3–4. 原先內容歸檔喺May 9, 2008. 喺January 10, 2008搵到.
  17. ↑ Lewis, Peter (January 12, 2007). "How Apple kept its iPhone secrets". CNNMoney.com. 原先內容歸檔喺December 10, 2008. 喺January 11, 2009搵到.
  18. ↑ Vogelstein, Fred (January 9, 2008). "The Untold Story: How the iPhone Blew Up the Wireless Industry". Wired News. Condé Nast Publications. pp. 1–4. 原先內容歸檔喺May 9, 2008. 喺January 10, 2008搵到.
  19. ↑ Farber, Dan (January 9, 2007). "Jobs: Today Apple is going to reinvent the phone". ZDNet "Between the Lines" blog. 原先內容歸檔喺July 19, 2010. 喺June 20, 2010搵到.
  20. ↑ Jobs, Steve (January 19, 2007). Macworld San Francisco 2007 Keynote Address. San Francisco: Apple, Inc. 原著喺December 22, 2010歸檔.
  21. ↑ Duhigg, Charles; Bradsher, Keith (January 21, 2012). "Apple, America and a Squeezed Middle Class". New York Times (英文). 原先內容歸檔喺August 29, 2018. 喺September 4, 2018搵到.
  22. ↑ Bajarin, Tim (2017-11-10). "How Corning's Crash Project For Steve Jobs Helped Define The iPhone". Fast Company. 喺2025-04-21搵到.
  23. 1 2 Johnson, Bobbie (June 30, 2007). "iPhone causes big Apple swarm in Big Apple storms". The Guardian. London. 原先內容歸檔喺August 31, 2013. 喺February 1, 2007搵到.
  24. ↑ "Apple Inc. Q3 2007 Unaudited Summary Data" (PDF). Apple Inc. July 25, 2007. 原著 (PDF)喺May 29, 2008歸檔. 喺June 6, 2008搵到.
  25. ↑ Hart, Kim; Valle, Sabrina (June 30, 2007). "Hype Meets Reality At iPhone's Debut". The Washington Post. 原先內容歸檔喺October 12, 2008. 喺March 3, 2018搵到.
  26. ↑ "Apple to limit European launch of iPhone in 2007". The Sydney Morning Herald (英文). 2007-10-31. 喺2023-10-24搵到.
  27. ↑ "Apple iPhone debuts in UK stores" (英國英文). 2007-11-10. 喺2023-10-24搵到.
  28. 1 2 "Apple's iPhone a tougher sell in Europe?". CNET (英文). 喺2023-10-24搵到.
  29. 1 2 Blodget, Henry. "Apple (AAPL) iPhone Sales in France 1/10th Early U.S. Pace". Business Insider (美國英文). 喺2023-10-24搵到.
  30. ↑ "O2 confirms iPhone launch in Ireland". Macworld (英文). 喺2023-10-24搵到.
  31. ↑ "iPhone Launches in Austria and Ireland". MacRumors (英文). 2008-03-13. 喺2023-10-24搵到.
  32. ↑ "TheStar.com | Business | Apple's popular iPhone coming to Canada". Toronto Star. 2008-05-01. 原著喺May 1, 2008歸檔. 喺2023-10-24搵到.
  33. ↑ "Canadians line up for Apple's iPhone 3G". CTVNews (英文). 2008-07-11. 原著喺November 3, 2023歸檔. 喺2023-10-24搵到.
  34. ↑ Shah, Dhiram (February 27, 2007). "Top 5 competitors to the iPhone". 原先內容歸檔喺October 24, 2018. 喺October 24, 2018搵到.
  35. ↑ Olandres, Abe (June 19, 2007). "iPhone vs. Blackjack vs. N95 vs. Treo 750 vs. BC 8300". 原先內容歸檔喺October 24, 2018. 喺October 24, 2018搵到.
  36. ↑ Cellan-Jones, Rory (June 29, 2007). "Apple iPhone faces serious rivals". BBC. 原先內容歸檔喺December 18, 2018. 喺December 4, 2018搵到.
  37. ↑ Waters, Darren (November 7, 2007). "Who's afraid of the iPhone?". BBC. 原先內容歸檔喺August 30, 2017. 喺October 26, 2018搵到.
  38. ↑ "Apple Sets iPhone Price at $399 for this Holiday Season" (新聞稿). Apple. September 5, 2007. 原先內容歸檔喺November 14, 2019. 喺January 20, 2020搵到.
  39. ↑ Jobs, Steve. "To all iPhone customers". Apple. 原著喺September 8, 2007歸檔.
  40. ↑ "Apple Adds New iPhone & iPod touch Models" (新聞稿). Apple. February 5, 2008. 原先內容歸檔喺April 26, 2019. 喺January 20, 2020搵到.
  41. ↑ "Apple Introduces the New iPhone 3G" (新聞稿). Apple. June 9, 2008. 原先內容歸檔喺May 1, 2011. 喺January 20, 2020搵到.
  42. 1 2 Ray, Bill. "Europe too cynical for iPhone". www.theregister.com (英文). 喺2023-10-24搵到.
  43. ↑ "Apple Sells One Millionth iPhone" (新聞稿). Apple. September 10, 2007. 原先內容歸檔喺September 19, 2020. 喺January 20, 2020搵到.
  44. ↑ "Apple says has sold 4 million iPhones". Reuters (英文). 2008-01-16. 喺2023-10-24搵到.
  45. ↑ "iPhone with 28% of U.S. Smartphone Marketshare for Q4 2007". MacRumors (英文). 2008-02-05. 喺2023-10-24搵到.
  46. ↑ "The iPhone Versus The RAZR". Forbes (英文). 喺2023-10-24搵到.
  47. ↑ Ray, Bill. "Europe too cynical for iPhone". www.theregister.com (英文). 喺2023-10-24搵到.
  48. ↑ Mickalowski, Kyle; Mickelson, Mark; Keltgen, Jaciel. "Apple's iPhone Launch: A Case Study in Effective Marketing" (PDF).
  49. ↑ Beschizza, Rob. "Claim: iPhone Sales Already Waning in UK". Wired (美國英文). ISSN 1059-1028. 喺2023-10-24搵到.
  50. ↑ "LG Viewty Outsells Apple iPhone in Europe". 2007-12-21. 原著喺December 21, 2007歸檔. 喺2023-10-24搵到.
  51. ↑ "T-Mobile says over 10,000 iPhones sold at German launch". AppleInsider (英文). 2007-11-09. 原著喺November 3, 2023歸檔. 喺2023-10-24搵到.
  52. ↑ "The original iPhone in photos: Looking back on the iPhone that started it all". Macworld (美國英文). 原先內容歸檔喺April 27, 2021. 喺April 27, 2021搵到.
  53. ↑ Patterson, Blake (July 7, 2008). "Under the Hood: The iPhone's Gaming Mettle". touchArcade. 原先內容歸檔喺March 7, 2009. 喺March 20, 2009搵到.
  54. ↑ Dilger, Daniel Eran (March 20, 2008). "iPhone 2.0 SDK: Video Games to Rival Nintendo DS, Sony PSP". RoughlyDrafted Magazine. 原著喺May 16, 2009歸檔. 喺May 12, 2009搵到.
  55. ↑ Clarke, Peter (July 6, 2007). "IPhone code trail points to MBX graphics core". EE Times. 原先內容歸檔喺June 4, 2020. 喺March 31, 2020搵到.
  56. ↑ Block, Ryan (January 9, 2007). "Live from Macworld 2007: Steve Jobs keynote". Engadget. AOL. 原先內容歸檔喺March 24, 2017. 喺April 1, 2017搵到.
  57. ↑ Wright, Mic (September 9, 2015). "The original iPhone announcement annotated: Steve Jobs' genius meets Genius". The Next Web. 原先內容歸檔喺April 1, 2017. 喺April 1, 2017搵到.
  58. ↑ "iOS: A visual history". The Verge. Vox Media. September 16, 2013. 原先內容歸檔喺April 12, 2017. 喺April 1, 2017搵到.
  59. ↑ "Exchange ActiveSync On Your iPhone 2.0". iMore. July 13, 2008. 原著喺January 19, 2019歸檔. 喺January 18, 2019搵到.
由「https://zh-yue.wikipedia.org/w/index.php?title=IPhone_(第一代)&oldid=2327502」收