Kiroro

出自維基百科,自由嘅百科全書
跳去導覽 跳去搵嘢

Kiroro(キロロ)係日本琉球玉城千春同埋金城綾乃夾埋一齊嘅音樂組合。佢哋兩個都係來自沖繩縣中頭郡讀谷村

Kiroro個名係玉城千春小學去北海道池田町交流嗰陣,響當地聽返來嘅蝦夷話來嘅。Kiroru係人行嘅大路,而Kiroro-an就係大、強健、強盛嘅意思。佢哋就決定用Kiroro來做佢哋組合嘅名。

成員[編輯]

玉城千春(たましろ ちはる/Tamashiro Chiharu)係組合嘅歌手。而金城綾乃(きんじょう あやの/Kinjou Ayano)就負責彈鋼琴或者鍵盤樂器。兩人係同年出世,玉城千春大少少,響1977年4月17號出世,而金城綾乃就1977年8月15號

緣起[編輯]

兩個都係讀沖繩縣立讀谷高等學校,而且係同級,不過佢哋去到高二因為同班先至識得。玉城千春喺初中已經寫歌,後尾佢知金城綾乃彈琴好叻,就搵佢聽下自己作品,而金城就好開心咁同佢填埋簡譜。之後兩個放咗學就成日去音樂室夾歌。

高中畢業之後,玉城千春就入咗長崎衛斯理仁大學(長崎ウエスレヤン大学)讀短期中文。而金城綾乃就留返響沖繩讀醫務有關嘅專門學校。響讀書期間,因為大家要分開同埋第日都可能各奔前程,所以想去錄音室錄低佢嘅作品畀兩人自己留念。點之去錄好之後,錄音師見佢哋嘅作品好正,就叫佢哋不如獨立發行出一隻單曲碟,響沖繩度買。1996年佢哋就出咗長久(長い間)呢隻碟,竟然一出就賣咗一萬隻以上。電臺電視臺播放率重好高添。

之後兩隻單曲碟向住未來(未来へ)同埋另一首都一樣咁好成績。

1998年1月21號,JVC睇中佢哋響沖繩咁好成績,就同佢哋全國發行長久呢隻碟。

出面網頁[編輯]