LASIC原則

LASIC原則係由星加坡學者李國權同埋提出Ernie G. S. TEO，關於金融科技嘅5個成功要素，包括：低邊際利潤（Low margin），輕資產（Asset light）, 可擴張（Scalable），創新（Innovative）同埋易於跟從法規（Compliance easy）。

呢套原則最初係根據Alipay同埋M-pesa兩間早期比較成功嘅金融科技公司嘅經驗，喺2015年被提出之後，就被唔少學者廣泛引用作為金融科技研究嘅理論基礎（Google Scholar顯示被引用超過400次）。隨著金融科技嘅發展（例如係加密貨幣），亦有學者根據唔同嘅情景，對呢套理論提出修訂，驗證或者擴充。

唔同學者對LASIC原則嘅補充

• 喺純網路銀行，網上微型信貸同埋加密貨幣交易所嘅領域裡面，都有學者指出成功嘅金融科技公司，會同時提供唔同服務比客人，全面照顧客人唔同嘅需要。因此，有學者提出服務多樣性（Variety）作為金融科技嘅另一個成功要素。
• 另外，有啲學者覺得，金融科技做到透明，先可以吸引到客戶，達到成功，所以就加入咗透明（Transparency）一點。

加密貨幣交易所

• 由於喺加密貨幣嘅使用情景入面，充斥著唔同意見，除咗法規上唔係個個國家接受之外，社會上對加密貨幣嘅認可亦有爭議，所以有學者就將『跟從』細分做法規同埋社會規範兩個層面。
• 有啲學者覺得，基於加密貨幣價值波幅可以好大，要交易所真正做到低邊際利潤薄利多銷並唔容易，加上加密貨幣交易所好多時候除咗提供基本交易功能，亦有唔同優惠，甚至係類似存款利息嘅回報，所以將『低邊際利潤』變成『低用戶負擔』，並細分為『財務支出』同埋『財務得益』兩個層面。