macOS版本歷史
呢篇文講第十版MacOS開始（OS X及macOS）嘅版本歷史。想搵Mac OS前期版本嘅歷史嘅話，請睇Classic Mac OS。Mac OS X係蘋果電腦作業系統產品線最新嘅Mac OS。即使官方上簡單啲講係 Mac OS 嘅 「版本10」，但係喺歷史上嚟睇佢同早期嘅 Mac OS 版本有本質上嘅分別。
喺蘋果外部發展[編輯]
喺1985年，蘋果電腦公司將史蒂夫·喬布斯逐出管理階層之後，佢離開咗公司同企業——跟著由Ross Perot同埋佢自己口袋中嘅資金——建立「下個大事」：結果就係NeXT公司。NeXT硬件雖然喺當時係某啲創新，但對於快速地商業化工作站市場嚟講依然係比較貴，有個設計嘅問題同癖好令到佢唔受歡迎，於1993年被淘汰。另一方面，物件導向作業系統（object-oriented operating system）嘅NeXTSTEP生命力就更長。佢係以Mach 核心同埋BSD（可追溯到1970年代嘅開放原始碼嘅UNIX實作）為基礎，並支援創新嘅企業物件框架（Enterprise Objects Framework）資料庫存取同埋 WebObjects 應用程式伺服器開發環境。
NeXT 設法銷售 WebObjects 同埋諮詢服務來維持生意，但從未取得商業上嘅成功。NeXTSTEP 經歷OPENSTEP嘅演變，將物件層面從作業系統以下分開來，令佢可以喺較少嘅修改下喺其他平台上執行。然而由於呢一點，幾間其他嘅公司——尤其係蘋果、IBM、微軟——都話佢哋自己好快會推出類似嘅物件導向作業系統以及開發工具（有啲產品，如Taligent，並冇完全取得成果；但有啲，好似Java，就好多人用）。