必打步頭

必打步頭望入必打街

必打步頭（Pedder Wharf）係香港一步頭，已拆。佢喺香港島中環必打街頭，近海之處，卽今日畢打街。必打步頭由香港開埠之初已有，時年一八四一年。當時必打步頭，係政府步頭。夜晚大鐘樓嘅燈光，會引船入步頭。

一八八六年二月，有新必打步頭，喺必打街同德輔道口。第一支樁由海傍入海卅八呎，之後伸到一百九十五呎。步頭闊四十呎。有梯六級落水。

一八九零年到一九〇四年，中環大幅填海，步頭已困填地，最後由卜公碼頭取代。