Petya

出自維基百科,自由嘅百科全書
Jump to navigation Jump to search
電腦中咗Petya病毒時,重啟電腦或每次開機時,會彈出呢個畫面。

Petya(病毒編碼:Win32.Troj.Petyawrap.cg.**),又嗌NotPetyaGoldenEye,係隻針對舊版Windows勒索軟件病毒,亦係種類似蠕蟲病毒嘅黑客攻擊病毒,識得用系統漏洞去主動散播。呢隻軟件喺2017年6月27號開始發起大規模攻擊,有大多數歐洲國家啲電腦受影響。

個病毒識感染電腦入面嘅主引導記錄而影響硬盤運作。用戶一旦感染咗呢種電腦病毒,最先電腦識出藍屏,再自動重啟,跟住會入引導修復硬盤嘅畫面,修復完之後即刻彈出類似3D龍事件嘅畫面——帶紅底白字同白底紅字之間快速閃爍嘅ASCII代碼拼出嘅骷髏骨,下邊帶「PRESS ANY KEY!」字樣。撳咗個掣之後彈出紅底白字或黑底紅字嗰一大堆鷄腸,要嗌受害者畀錢換比特幣兼輸入啱嘅解密代碼先至入到系統。