貝貝係香港最出名嘅灣鱷明星。有人喺2003年11月發現貝貝喺新界元朗山貝河出沒，從此聲名大噪，傳媒爭住影佢，市民爭住睇佢，相機日捕夜捕。之後，貝貝同澳洲生態學家約翰·利弗同番禺捕鱷專家何展釗呢幾個人周旋咗幾個月，仲未捉得到。終於喺七個月之後，2004年6月俾漁農自然護理署捉住，送咗去嘉道理農場暫住。2006年8月15號搬去香港濕地公園——專為貝貝而設永久嘅屋企「貝貝之家」裡面長住。
