Potpourri

出自維基百科,自由嘅百科全書
跳去導覽 跳去搵嘢
赫伯特·詹姆斯·德雷珀 (Herbert James Draper) 畫咗一個女人做potpourri,1897年

Potpourri係香氛乾花植物,個英文字 potpourri 源自法文。咗嘅天然有香味嘅花或植物,撈埋一齊喺個兜或者個缽度,用嚟薰香居屋,感覺上居屋空氣會清新啲。最早都係用陶瓷兜缽,而家啲人用木製兜缽多啲。以前香氛乾花植物,要撿啲有溫和香氣唔會攻鼻嘅植物先至得,而家有啲人會加各種精油增加香味。 咗嘅花草材料至少可以躉兩三個月,乾燥過程處理得好嘅話,可以躉足廿年。根據英國皇家植物園2015年一份研究報告指出,用嚟整香氛乾花嘅植物材料,超過一百科去到四百幾種,最多人用玫瑰,包括花瓣、葉、玫瑰果、玫瑰油,其他香氛乾花植物包括香柏樹皮木碎、桂皮、丁香、茴香、茉莉、薰衣草、檸檬香草、薄荷、橙皮等。整香氛乾花植物要小心唔好撿有毒嘅植物,如果加精油都唔可以太過攻鼻,加太多精油都可能會中毒,尤其是驚細蚊仔或者寵物誤食發生危險。

法國有瓷器工場響 1750年代至 1760年代,製造咗十二個船型瓷器皿,用嚟香氛乾花植物,法國國王路易十五嘅情婦龐巴度夫人就有三個揸手。船型瓷器皿而家全世界剩番十個。

另外有一種工藝 preserved flowers 中文有多種名稱包括永生花、不凋花、保鮮花,呢個工藝注重保存花本來面貌,甚至抽走花本身嘅香味,而香氛乾花植物 potpourri 就調反轉頭同佢相反,注重香氣。