Replit
Replit係美國一間提供網上整合開發環境服務嘅公司，由Amjad Masad同埋Hata Odeh喺2016年一齊創立。
2018年3月，Replit喺網站上推出咗頭版，正式開始提供服務。
根據公司嘅介紹，公司而家有10位全職僱員，提供超過50種程式語言嘅在線編譯服務。每個禮拜喺嗰個平台上面嘅活躍開發者數量一共超過20萬。
Replit大部分嘅功能係免費嘅，同時亦都提供畀錢嘅訂閱服務，包括個人方面嘅"Hacker Plan"，學校方面嘅"Classroom K-12"同埋"Classroom Pro"，仲有企業方面嘅服務計劃。其中只係得付費計劃先至支持私人代碼庫嘅服務。每個月，呢個平台都會舉辦「編程挑戰」之類嘅活動，而活動嘅獎勵主要都喺Amazon嘅禮品卡，或者係網站自己嘅俾錢訂閱服務"Hacker Plan"。
Amjad Masad曾經表示過，網站提升咗用戶做嘢同埋寫程式嘅合作性。
喺2016年，呢間公司接受咗Y Combinator四百五十萬美元嘅投資。
