Scheme (程式語言)

Scheme（英文讀音：/ski:m/）程式語言係 Lisp 嘅分支，由 Guy Steele 同 Gerald Sussman 設計^[1]^:1，1970年代推出。佢有一個 IEEE 標準^[2]，但係實際標準係一套叫 RⁿRS（Revisedⁿ Report on the Algorithmic Language Scheme，有關算法語言 Scheme 嘅第 n 次方修訂報告）嘅文件，常見嘅係跟 R⁵RS 嘅版本，但係最新嘅標準係 R⁷RS small（R⁷RS 小型版）^[3]。

R⁵RS 嘅版本非常基本，但係 2007 年推出嘅 R⁶RS 標準將好多以前唔兼容嘅做法都標準化咗^[1]^:1.1；除咗 RⁿRS 之外，亦都有一個叫做 SRFI（Scheme Requests for Implementation，Scheme 實作要求）嘅標準化過程，目的係將 Scheme 嘅函數庫標準化，SRFI 喺 1998 年開始運作，標準化咗嘅函數庫有啲會入返 RⁿRS 入面^[4]。

Scheme 係 GNU 計劃嘅一隻標準手稿語言，佢哋嘅版本叫做 Guile^[1]^:1.3。

睇埋

Common Lisp

拎

Scheme嘅官方網站

攷

↑ ^1.0 ^1.1 ^1.2 Guile Reference Manual (英文) (第3.0.8版). Free Software Foundation. 2021. 喺2022年10月16號搵到.
↑ "IEEE Standard for the Scheme Programming Language" (IEEE 1178-1990) (英文). 喺2022年10月12號搵到.
↑ Shinn, Alex; Cowan, John; Gleckler, Arthur A., 編 (2013年7月6號). "Revised⁷ Report on the Algorithmic Language Scheme" (PDF) (英文). 喺2022年10月12號搵到.
↑ "About Scheme Requests for Implementation" (英文). 喺2022年10月12號搵到.

[FSF_(2021)-1] 1.0 ^1.1 ^1.2 Guile Reference Manual (英文) (第3.0.8版). Free Software Foundation. 2021. 喺2022年10月16號搵到.

[2] "IEEE Standard for the Scheme Programming Language" (IEEE 1178-1990) (英文). 喺2022年10月12號搵到.

[3] Shinn, Alex; Cowan, John; Gleckler, Arthur A., 編 (2013年7月6號). "Revised⁷ Report on the Algorithmic Language Scheme" (PDF) (英文). 喺2022年10月12號搵到.

[4] "About Scheme Requests for Implementation" (英文). 喺2022年10月12號搵到.

[1]

[2]

[3]

[4]