Siri

Siri係一款喺蘋果公司iOS系統嘅人工智能助理。佢用自然語言處理技術，用家可以使用好自然傾偈同手機互動，可以 搵資料、查天氣、較手機日曆、較手鬧鈴服務。

Siri公司建立喺2007年，起初Siri係iOS中一個應用，重喺黑莓平台同Android開發Siri。蘋果公司喺2010年4月28號完成對Siri嘅收購。

2011年4 月10號，Siri第一次喺iPhone 4S連機推出，唔需要，亦唔可以分開下載。當時未有粵語版。2012年，iOS 6發佈，普通話版同粵語版Siri同時推出。當時粵語版嘅聲音名叫做「善怡」。依個亦都係iOS系統第一次會輸出粵字嘅時刻。

2018年，iOS 12推出，粵語版Siri亦都迎嚟重大更新，新增咗男同女嘅聲線，後面嘅引擎亦都有所改良。