鏡中鏡
呢篇文講愛沙尼亞作曲家亞福帕特嘅樂曲。想搵香港歌手姜濤嘅流行歌嘅話，請睇鏡中鏡 (姜濤嘅歌)。
鏡中鏡，曲一首，翻自德文原名Spiegel im Spiegel，亞福帕特一九七八年所寫[1]。佢用自創鐘鳴作曲法寫出來，以簡單和弦同單音構成，分成兩種旋律合奏[1]。鋼琴扮鐘鳴，彈出單音，間以小提琴和弦合奏。曲約十分鐘左右，寧靜有如聽鐘擺，甚為簡約，可謂極簡音樂代表作。
支曲叫鏡中鏡，意景兩鏡反映，鏡中有鏡，來來回回，互射無止。佢組合變化唔大，得音程改變。啲人用貝多芬所寫，鋼琴奏鳴曲作品號二十七第二號，另名月光奏鳴曲做比較[1]。
小提琴部亦有改用第種樂器，好似大提琴、單簧管咁[1]。而鋼琴亦有用豎琴代。
亞福帕特為愛沙尼亞人，出世一九三五年仍未拼入蘇聯。一九四〇年吞併，變咗蘇聯人，音樂受當時蘇聯氣氛所左右，受過挫折。二十世紀七十年代，佢重新創作，突破先前，創出鐘鳴作曲法，支曲正正呢個時期作品[1]。寫曲時，愛沙尼亞仍受未擺脫蘇聯。寫完無耐佢就去咗柏林。
一九七九年，十二月十三到十八號，支曲首次錄成唱片[2]。之後有唔少地方引做配樂，紀錄片、電影、電視片、芭蕾舞等都有引用[1]。甚至二千年左近福士車，用佢來提示人未扣好安全帶[3]。
二〇一一年，支曲係英國廣播公司電臺第四臺，節目靈魂音樂之中，以佢做主題，講咗半粒鐘，探討佢影響力帶有強烈情感[4][5]。比利時古典音樂電臺，二〇二〇、二一、二二年百大流行榜上排第一[6]。二〇二三年，宮崎駿電影蒼鷺與少年，久石讓亦用咗佢做配樂。皆因久石讓完全回到藤澤守極簡音樂，貫通全套片[7]。二〇二四年，馬友友簡介支曲，講亞福帕特作曲突破，講支曲同宇宙無限對比[8]。
樂器
[編輯]原曲為鋼琴同小提琴而寫，小提琴周不時由大提琴或中提琴代替。其他代替版本，色士風、低音提琴、單簧管、法國號、短號、長笛、雙簧管、巴松管、長號、口琴、敲擊樂器、甚至管風琴都有[9]。
作曲
[編輯]曲為F大調，為六拍四，一小節中有六個四分音符。全曲一百二十六小節。手稿一分鐘一百二十拍，印刷本拉慢到一分鐘一百拍。
主要元素有二，小提琴拉出音階運動，鋼琴彈出三和弦結構。兩部齋用F大調啲音，圍住A4音即中央a'來排。順便一提，A音喺F大調排第三，四百四十赫。話就可解釋佢音符結構，好規律，好嚴謹。之不過，咁解釋唔到感染力咁強。
小提琴聲部
[編輯]旋律聲得啲長音組成，啲音會由中央a'四向移出，或者由四向返去個中央音。原理好似交叉X咁。交叉中央位，正正中央音，而交叉四向腳，就代表音階移動四向。有啲由外邊移向中央，有啲由中央音散返出去。
四。下行向a' 二。a’向上行
X
三。上行去a’ 一。a’向下行
音移重複四次，次次都係照住順序行，兼次次都會加長一音。開始嗰陣，得一個音，由 a’ 向下行去 g。到最後一次，就變成八個音，由 b’’ 向下行到中央音 a’。段段音移，至終都會以中央音作結。
交叉對稱軸有兩條，上下對稱得、左右對稱得。四向都以中央音 a’ 做中心，做出雙重對稱。第一重對稱係上下向，即上行同下行，第二重對稱，來回向，即行向a’同行離a’ 。呢種結構嚴謹兼對稱，得名鏡中鏡。
鋼琴聲部
[編輯]旋律配合小提琴聲部，又用三和弦做對比，亦同時成為音階旋律背景。
鋼琴由右手開始，彈三個向上音，早過小提琴旋律節奏，三音組成F大調三和弦。呢種三音結構，好似古典音樂入面伴奏模式，貫穿成首曲。音會變，不過佢跟住固定形式去變，跟住小提琴旋律。每組三音當中，至低粒音，旋律音上一個三度，中間粒音，F大調三和弦入面音，至高粒音，旋律音高一個八度。成段鋼琴聲部，以懸浮流動，喺小提琴旋律之上做伴奏。
除此之外，旋律音之後，鋼琴重會彈出額外單音，呢粒單音，會交替喺旋律音上面或下面。佢哋全部來自F大調三和弦，並且同旋律音有固定音程。啲音會分佈喺成個鋼琴鍵盤。最極端兩粒額外音，對應住中央音（a’）。中央音彈起喺每段音階移動結尾，就會配上最低音（F同F’）或者最高音（c’’’’同c’’’’’）。
詳細分析
[編輯]鋼琴部份，主要以F大調主和弦第二轉位、以分解和弦進行。最高音域同最低音域，以F音、A音或C音做延長音，即F大調主和弦做襯托。
小提琴部份，咸以附點全音符拉奏上行或下行音階，長度逐次加長，結尾必停長音A上。
- 前奏
三小節鋼琴獨奏
- 第一組
- 第二組
三音，第一組前加入低一音或高一音，上行F音，下行C音。以後所有長音A唔再標示。
- 第三組
四音，第二組前加入高或低一音。排列方式上，除結束音外，改為倒行。
- 第四組
五音，回復原來次序排列。
- 第五組
六音，同第三組一樣，除結束音外，次序倒轉。
- 第六組
七音，回復原來次序排列。
- 第七組
八音，同第三五組一樣，除結束音外，次序倒轉。啱好𨈇一個八度。
- 第八組
九音，回復原來次序排列。小提琴由最低音開始。
- 結尾
最後用長音A作結。
攷
[編輯]- ↑ 1.0 1.1 1.2 1.3 1.4 1.5 〈《鏡中鏡》：亂世中的靜謐之美〉。《撰樂 Die Musikzeitung》 (臺灣中文)。2017-04-18。喺2025-06-22搵到。
- ↑ QUEEN CURE MARINESNOW (2021-05-15)，《アルヴォ・ペルト：鏡の中の鏡 / クレーメル 1979》，喺2025-06-22搵到
- ↑ VW 3 Tone Dinger: How to turn it off - YouTube
- ↑ BBC Radio 4 - Soul Music, Series 12, Spiegel im Spiegel
- ↑ BBC Radio 4 – Soul Music
- ↑ "Klara Top 100: De volledige lijst". Klara - Blijf verwonderd. 2021-02-21.
- ↑ Cel-Shaded Music Theory (2024-01-31), The Music of The Boy and the Heron: Hisaishi's Minimalist Masterpiece (reupload), 喺2025-06-22搵到
- ↑ Great Performances | PBS (2024-04-02), Yo-Yo Ma Performs "Spiegel im Spiegel" | Now Hear This | Great Performances on PBS, 喺2025-06-22搵到
- ↑ 〈Universal Edition 有關《鏡中鏡》的所有印刷版本資料〉。原著喺2022-01-22歸檔。喺2022-01-22搵到。