Talk:係族

手記

「係族」嘅「係」，係抽取喃字「𦵠」嘅聲符得出。越南文Hẹ音只寫呢一隻字，Hẹ呢個詞本身意思係「韭菜」，但佢嘅越南文只係記音，所以無理由譯成「韭菜族」之類㗎。雖然「係族」、「係人」（呢個詞令人諗起唔通仲有「唔係人」咩）聽落好古怪，但請睇下面嘅來源解釋。

關於呢個越南人對客家嘅別稱來由，有三種講法：

因爲客家話常用詞「係」嘅發音係「he」，越南人聽到就噉樣同佢哋安名，來由同「𠊎族」嘅「ngái」一樣。
當初客家人移民越南時，因爲語言唔通，解釋唔到自己係邊度人，當時越南仲用漢字，諗到自己係華夏人，就寫字話自己來源於「夏」，「夏」越文發音係「hạ」，耐咗，變音成「hẹ」（a變成e係越文常見音變）。
仲有種講法話「客家」嘅「客」（hak）喺越文中音變成「hẹ」。

以上喺搵越南文資訊搵出嘅三種講法。相對來講，我覺得第一種講法比較靠譜，第二個點聽都似作古仔，第三個，可能啩。若果係第一個講法，噉寫成「係」唔會錯，後兩個講法會寫成「夏、客」。但確定唔到邊個啱嘅情況下，就按抽聲符嘅做法嘞。