Talk:南奧塞梯

有冇必要加「共和國」字尾？

目前來講受關注嘅都係佢從格魯吉亞獨立嘅問題，就連佢係咪真係個「共和國」都成問題，何必加個噉嘅詞尾呢？國際都唔承認佢係「國」，得俄羅斯認，兼且有啲人話俄國侵略添，噉粵維應該中中立立，報個地名就得，至於佢係唔係真係共和國，就睇佢日後造化。--S7w4j9 (傾偈) 2015年11月12號 (四) 10:19 (UTC)

今次我有保留。俄羅斯嘅行政區劃係有「自治共和國」爾一種嘅，例如卡累利亞、車臣同埋剛剛「加入」嘅克里米亞都係「自治共和國」，個名裡面都有「Респу́блика」，所以個名裡面有「共和國」未必就代表佢真係主權獨立。【粵語文學大使殘陽孤侠】支持全面中止IP用戶編輯權 2015年11月12號 (四) 18:05 (UTC)

但呢場政治糾紛唔浄止俄國，事關格魯吉亞認爲南奧塞梯係佢嘅領土，而格魯吉亞方面認爲，作爲佢嘅領土，係叫南奧塞梯自治州。噉你話，多咗「共和國」字尾點會無中立問題呢？等於我哋主張南奧塞梯唔係格魯吉亞領土，噉等於係個政治宣佈喎。我哋維基百科話到明唔可以參與政治糾紛。同樣，將字尾換成「自治州」亦係政治宣佈，話佢係格魯吉亞領土，反對佢獨立，性質同「共和國」字尾一樣。--S7w4j9 (傾偈) 2015年11月13號 (五) 09:00 (UTC)