Talk:打他加打阿華打拉都拉斯

打他加打阿華打拉都拉斯嘅資訊曾經響2014年 7月14日喺維基百科頭版嘅你知唔知？小節度出現過。

維基百科

改名

篇文章一睇就知問題多多喇，連信息都係錯嘅，乜嘢叫做「印度馬加打省別哈州帕拿區」？英文版都搵唔到噉樣嘅想像出來嘅內容，而且印度第一級政區係邦、唔係省/州，講句難聽說話：呢篇文章呃鬼食豆腐，𧨾嗰啲唔知印度概況嘅人。

「呃鬼食豆腐」嘅問題可以修正，而家我想問各位嘅名該點改？先介紹下：

據英文版，呢個人出身自印度Bihar邦，屬北印度，據我瞭解，印度同中國一樣，北方官話一統，南方則各邦各語，所以Bihar應該係「印度斯坦語」地頭（知識補充：Hindustan。所謂zh:印度斯坦語，係統稱，劈成印地、烏爾都兩大部，但係如同漢語官話，各地嘅差異唔算特別大。），而據英文版，en:Bihar嘅官方語言，就係「印度斯坦語」（「Hindi, Urdu」），雖然未確切知道呢個人嘅母語係咩，但應該係印度斯坦語喇。

我用Google翻譯英轉印，將「Tathagat Avatar Tulsi」轉出爲「तथागत अवतार तुलसी」，再撳下Google搵網頁，搵到1610項結果，雖然我唔識印地文，依我判斷應該就係噉寫。我之後査資料瞭解咗下印地語、天城字母、天城字母轉寫、印度斯坦語音系。査得呢個名嘅IAST轉寫爲「Tathāgata avatāra tulasī」，國際音標[tətʰɑːɡətə əʋətɑːrə tʊǀəsiː]。

文字簡介：印地文屬於元音附標文字，佢一個輔音字母除咗表示輔音外，重自帶一個元音[ə]，當佢需要發遞個元音時，就將元音字母變形、再合寫到輔音字母度形成一個音節，當佢需要輔音字母淨保留輔音時，就加 ् 呢個符號喺輔音字母度，噉樣隻字母就得輔音而無咗自帶元音[ə]。

印地文音韻簡介：印地文嘅元音有長短之分。喺IAST轉寫度，短元音唔標符號，長元音喺字母上面加個 -，比如[ɑː]就寫成 ā 。而喺輔音度，佢哋嘅塞音係有清濁、送氣之分，亦即一組四音，比如「齒音」一組，有[t] [tʰ] [d] [dʱ]四音。而對粵語來講，粵語輔音得送氣對立而無清濁對立，所以音譯時就睇印地文中係咪送氣塞音。

至於點解英文寫成Tathagat Avatar Tulsi，我估可能係佢想同天城字母中嘅輔音字母一一對應，然而寫成「tthagt」之類嘅樣又睇唔得落，於是變成噉嘅樣。實質上我通過Google重搵到「Tathagat Avtar Tulsi」噉樣嘅寫法。

因此我建議，個名改成「打他加打·阿華打拉·都拉斯」。

參攷資料：zh:天城文、zh:天城文、zh:IAST、zh:天城文轉寫、zh:印地語-烏爾都語音系--S7w4j9 (傾偈) 2014年7月19號 (六) 13:39 (UTC)[回覆]

對外連結有變 (2020年12月)

各位編輯仝人：

我啱啱救返打他加打阿華打拉都拉斯上面嘅 3 個對外連結。麻煩檢查下我改嘅嘢。有咩查詢，或者想隻機械人唔理啲外連，或者想隻機械人成版唔好掂，請睇呢版簡明嘅問答頁。我改咗呢啲外連：

如果隻機械人有錯，請睇問答頁嘅指示。

唔該晒！—InternetArchiveBot (報告軟件缺陷) 2020年12月29號 (二) 16:35 (UTC)[回覆]