Talk:瑪嘉烈與大衛系列 絲絲
Hkmjai將篇文由「絲絲」搬去「瑪嘉烈與大衛系列 絲絲」，我唔可以話佢錯，因為電視台正式寫法真係咁寫。但當初篇文點解叫「絲絲」呢？「絲絲」個簡稱坊間都算常用，亦未有規定話一定要跟足電視台正式寫法。如果以ViuTV節目為例，例子有《YOLO的練習曲》，其實電視台正式寫法係「5周年別注: YOLO的練習曲」（電視台重溫頁面亦係咁寫），但我哋都省略咗「5周年別注」。更重要嘅係，瑪嘉烈與大衛系列其餘兩個作品：《綠豆》同《前度》，亦省略咗「瑪嘉烈與大衛系列」。
正如我一開始講，我唔可以話Hkmjai錯，所以我無意夾硬搬返去「絲絲」。Hkmjai可以睇完以上解釋後，再決定用邊個名好。--Lorikwan (傾偈) 2024年3月22號 (五) 13:19 (UTC)
- 改返名嘅原因係因為出面大部份嘅報道同youtube片title都係用長名,統一用名有利於增加搜索hit rate Hkmjai (傾偈) 2024年3月22號 (五) 14:12 (UTC)
- 趁搜尋器暫時未更新最新情況，做個簡單統計。而家Google搵「絲絲」，粵文維基排第一，官網排第八，中文維基排第廿一；Yahoo搵「絲絲」，粵文維基排第三，中文維基排第廿四。
- 相對之下，而家Google搵「瑪嘉烈與大衛系列 絲絲」，中文維基排第一，粵文維基只排第八，；Yahoo搵「瑪嘉烈與大衛系列 絲絲」，中文維基排第二，粵文維基只排第三十三。
- 結論係，如果想粵文維基hit rate高，唔應該同中文維基硬碰關鍵字「瑪嘉烈與大衛系列 絲絲」，相反改用另一關鍵字「絲絲」就可以幫粵文維基突圍。 Lorikwan (傾偈) 2024年3月22號 (五) 14:58 (UTC)