Talk:紅星村

抗議刪除

提快速刪除嘅人學唐英年同梁振英講大話。爾版根本唔係無內容。【粵語文學大使殘陽孤侠】 2019年2月21號 (四) 15:15 (UTC)

而家關於地名收錄項目終於結案，根據結案，地名收錄得，唔會刪除，呢個長期項目可以繼續進行落去。

我惗起一件事：嗰陣時Roy同Cantona有過拗撬，詏點係西洋人名係加點定加空格、啲引用ref係擺標點前定標點後，嗰陣時啲嘢未結案，Cantona喺未結案嘅情況下喐手按自己主意改，當時兩位編者嘅衝突勢成水火，Roy自然好不滿，接連去管理員留言版投訴，話要緊急封鎖Cantona。

喺呢個問題上，我確實覺得Cantona作爲管理員，噉做會有啲瓜田李下，係魯莽之舉；而將Cantona作爲普通用戶睇，喺未有結案共識情況下，行使自己嘅意志，係有挑釁意味。

噉Roy有冇檢點過自己呢個掛刪模嘅行爲亦如Cantona一樣挑釁？同樣亦係未結案，單案嘅詏點在於呢種類型嘅內容係咪要刪、粵維係咪唔收錄最基層嘅地名，詏話要刪清光、唔留面嘅只有Roy一個，其他人冇話要刪，我當然支持收錄，而第三種觀點着眼於編輯上（之於形式/名義，係指符唔符合搞清楚呢個版面嘅形式規定；之於內容，係指作爲搞清楚版、有啲內容係咪多餘等等，都係技術問題）。喺上面Cantona同Roy嘅爭執中，爭執雙方各自一位，一對一，構唔成群體意向，妥善嘅做法係雙方都唔喐手，邊方喐手邊方係挑釁；喺呢次爭執中，話刪嘅只有一人，其餘幾個反對刪，一對多，Roy自然可以繼續堅持佢提刪嘅主意，但應該訴諸於討論，而唔係去大家都唔同意提刪嘅版面掛上speedy delete，否則，當視爲挑釁。我完全可以學似Roy噉，走去管理員留言板，要求封鎖呢個戶口，但一來事態未有噉必要，二來噉做豈非落入「唔係惗計解決爭端、而係惗法懲罰我嘅對手」嘅錯處？所以我冇做第二次回退，而係等事態進展，呢啲事心急冇用。而且我亦自信我係啱嘅，大家都反對刪除嘅版面，管理員亦係有眼見，所以掛咗speedy delete又點？我知道管理員唔會真係即刻刪，所以等囉，而家亦終於等出結果。--S7w4j9 (傾偈) 2019年2月22號 (五) 11:55 (UTC)