Talk:聲生不息

好文評審

• @Detective Akai：最近都開播咗一段時間嘅香港綜藝節目文章，User:Universehk似乎寫咗好多實用性高嘅內容入去，我整理下篇文同更新下，我覺得可以去做好文評審。特克斯特 (傾偈) 2022年6月15號 (三) 19:22 (UTC)

  @特克斯特呢篇文唔錯播，可以考慮下。 Akai 博士 (傾偈) 2022年6月19號 (日) 11:56 (UTC)

「製作過程」夾雜同製作過程無關內容

先多謝特克斯特指出「製作過程」係呢一類節目文嘅常用章節標題。我之前建議「製作過程」改名，純粹係因為見到而家個「製作過程」夾雜唔少同製作過程無直接關係嘅內容。特克斯特話可以參考《歌手》8個系列節目嘅文章寫法，我睇過發現文章除「製作過程」章節外，亦設有「爭議」章節，反而聲生不息就唔見「爭議」一節，將同爭議有關嘅內容寫埋落「製作過程」章節度。係咪應該將聲生不息「製作過程」章節入面涉及爭議嘅內容拆返出一個「爭議」章節呢？ Alfakwan (傾偈) 2022年7月19號 (二) 11:26 (UTC)

咁你話到呢篇文好似《歌手》咁拆返出一個「爭議」章節係可行，不過唔係由我本人來負責，應該由想改文嗰個去做。特克斯特 (傾偈) 2022年7月20號 (三) 01:56 (UTC)